Hasi deklarashon di impuesto riba entrada
Segun e aña tokante di kua bo ta hasi deklarashon pa impuesto riba entrada, bo ta usa e deklarashon online òf e formulario di deklarashon. Despues ku bo a hasi deklarashon, bo ta risibí un papel di impuesto den kua ta bisa kuantu bo ta risibí bèk òf mester paga. E montante ku bo mester paga of haña bèk kuantu impuesto bo mester paga òf ta risibí bèk, ta dependé di bo situashon personal. Esaki ta konta tantu pa pagadó di impuesto ku ta habitá na e isla komo esnan den eksterior.
Vírùs di corona /COVID-19
Areglo di emergensia SZW i entrada for di suèldo
Si bo dunadó di trabou no por a tene bo na trabou (kompletamente) en konekshon ku e vírùs di corona, e por a trese bo bou di e areglo di emergensia di SZW. E ora ei bo (èks) dunadó di trabou tabata haña un kompensashon den e gastu di suèldo pa e oranan ku e no por a laga su personal traha mas. Tabata paga e kompensashon na bo dunadó di trabou, ken despues tabata paga bo esaki den forma di bo suèldu. Abo mester indiká e kompensashon aki, meskos ku bo entrada for di suèldu regular, den bo deklarashon di impuesto riba entrada komo entrada for di empleo.
Si bo tabata un empleado riba 13 di mart 2020, pero pa motibu di e vírùs di corona no a tene bo na trabou mas, bo mes por a hasi un petishon na SZW pa un asistensia temporal. Pa bini na remarke, e negoshi na unda bo tabata traha mester a kai bou di e areglo di emergensia di SZW. Bo por a reklamá ochenta porshento di e suèldu ku bo a gana delaster. Ta kobra impuesto riba e pago di SZW aki i bo mester deklará esaki komo entrada for di empleo.
Wak esaki tambe na notisia di 4 di mart 2021.
Deklarashon online
E Ofisina di Impuesto Hulanda Karibense ta ofresé e posibilidat pa hasi deklarashon di impuesto riba entrada (IB) online.
E aña aki bo por hasi bo deklarashon di IB online tambe. Esaki ta nifiká ku bo por entregá bo deklarashon elektróniko via e website di e Ofisina di Impuesto. Klek aki pa hasi deklarashon online via Mijn Belastingdienst Caribisch Nederland.
Bo tin pregunta tokante di e deklarashon online?
E ora ei bo por yama nos helpdesk pa sosten. Aki bou tin e oranan riba kua esaki ta alkansabel i e number di telefòn spesífiko.
|
Boneiru |
|
|
Alkansabel |
Djaluna te ku djaweps 8 or di mainta pa 12 or di mèrdia & 2 or di mèrdia pa 5 or di atardi |
|
Djabierne di 8 or di mainta pa 12 or di mèrdia |
|
|
Tel |
+599 715 8585 |
|
Saba |
|
|
Alkansabel |
Djaluna te ku djaweps 9 or di mainta pa 12 or di mèrdia & 2 or di mèrdia pa 5 or di atardi |
|
Djabierne di 9 or di mainta pa 12 or di mèrdia |
|
|
Tel |
+599 416 3941 / +599 416 3942 |
|
Sint Eustatius |
|
|
Alkansabel |
Djaluna te ku djaweps 9 or di mainta pa 12 or di mèrdia & 2 or di mèrdia pa 5 or di atardi |
|
Djabierne di 9 or di mainta pa 12 or di mèrdia |
|
|
Tel |
+599 318 3325 / +599 318 3326 |
Ku e portal di deklarashon online aki, nos ta konfia ku nos ta optimalisá e fasilidat di uso i nos servisio.
Te ki fecha bo por hasi deklarashon?
Despues di risibí e invitashon bo tin 2 luna di tempu pa entregá e deklarashon. Tambe tin e posibilidat pa pidi suspenshon pa entrega di e deklarashon. Bo mester hasi esaki en todo kaso promé ku traspaso di e fecha riba kua bo mester entregá e deklarashon.
Aki por download un splikashon na hulandes, ingles òf papiamentu.
Kiko ta pasa despues ku bo a entregá bo deklarashon?
Despues ku bo a hasi deklarashon, Belastingdienst tin tres aña pa atendé ku e deklarashon i imponé un papel di impuesto. E término di tres aña ta kuminsá riba promé di yanüari despues di fin di un aña kalendario.
Si bo tin pregunta Belastingdienst ta yuda bo ora di hasi deklarashon. Tin kondishon na e dunamentu di ayudo ora di yena e papel di deklarashon sí. E ayudo ora di hasi deklarashon ta destiná pa persona individual. Empresario mester akudí serka un konsulente di impuesto. Semper por pidi e kondishonnan pa bini na remarke i mas informashon tokante esaki na Belastingdienst.
Si bo no hasi deklarashon na tempu òf no hasi deklarashon mes, por imponé un but pa negligensia. Si bo no a entregá un deklarashon, lo imponé e papel di impuesto ofisialmente. Den esaki ta kalkulá nivel di bo entrada di un forma kompletamente rasonabel, tambe hasiendo uso di informashon ku tin na disposishon.
Si bo no a risibí un papel di deklarashon, pero bo ta pensa sí ku bo ta debe impuesto òf ku bo tin derecho di haña sèn bèk, e ora ei bo mester pidi un papel di deklarashon. Si bo debe impuesto, pa mas tardá dia 15 di yüli despues di e aña riba kua bo mester paga impuesto, bo mester pidi un papel di deklarashon. Tambe bo por download un papel di deklarashon for di e website i entregá esaki na tempu.
Tasa di kambio
Aki bou bo ta haña e tasa di kambio promedio pa Euro/US dollar ku e Belastingdienst Caribisch Nederland (B/CN) ta apliká. E kambio ta e balor di duana ku e duana (oropeo) hulandes ta usa ora di trese merkansia riba merkado liber na Hulanda (oropeo). Ta indiká e balor di duana na Euro i ta determin’é kada luna.
B/CN ta kalkulá e kambio mensual na dollar merikano. Den un aña kalendario nos ta konta e kambionan mensual huntu i dividí esei na 12 pa determiná e kambio pa Euro/US dollar. Por haña e kambio di duana riba e siguiente
lenk; www.belastingdienst.nl/rekenhulpen/wisselkoersen/
|
Aña kalendario |
1 Euro=1 USD |
| 2023 | 1.0817 |
| 2022 | 1.0585 |
| 2021 | 1.1874 |
|
2020 |
1.1326 |
|
2019 2018 |
1.1219 1.1847 |
|
2017 |
1.1196 |
|
2016 |
1.1090 |
|
2015 |
1.1109 |
|
2014 |
1.3415 |
|
2013 |
1.3306 |
E kambio aki ta un guia. Bo por usa e kambio diario di bo transakshon(nan) tambe. Meskos ta konta pa otro moneda. E ora ei e tasa di kambio mester ta realístiko/aseptabel sí.