Bo ta deseá di risibí pòst di gobièrnu digitalmente? Esei por ku BerichtenboxCN di MijnCN. BerichtenboxCN ta bo buzon personal ku bo ta risibí pòst di gobièrnu digitalmente aden. Na un manera kla i semper na bo disposishon.
Kiko BerichtenboxCN ta?
BerichtenboxCN ta bo buzon personal ku bo por risibí pòst di Belastingdienst aden i mas despues tambe di otro organisashonnan gubernamental. Ora tin mensahe nobo pa bo, bo ta risibí outomátikamente un e-mail. Mas i mas instansia gubernamental lo afiliá na BerichtenboxCN, di manera ku bo por risibí i warda mas i mas pòst digitalmente.
Bentahanan di BerichtenboxCN
Unda ku bo ta, ku BerichtenboxCN semper bo tin pòst di gobièrnu na man. I si bo ta deseá, bo ta risibí outomátikamente un e-mail ora tin pòst pa bo. Bo por drenta fásil ku bo MijnCN.
Aktivá bo BerichtenboxCN den kuater paso
Pa ‘download’ BerichtenboxCN bo tin mester di un kuenta di MijnCN (ku un verifikashon úniko), bo number di CRIB i un ‘smartphone’ òf ‘tablet’. E app ta adekuado pa ‘smartphone’ en ‘tablet’ Android i iOS, pa kua a tene kuenta tambe ku vershonnan anterior di e sistemanan akí.
Bo no tin un kuenta di MijnCN ainda? Bai na www.mijncn.nl pa krea i verifiká un kuenta.
Paso 1
Akordá ku di awor padilanti bo ta risibí pòst di gobièrnu digitalmente den bo BerichtenboxCN personal di MijnCN.
Stap 2
Bo ta deseá di risibí un e-mail ora bo a risibí pòst nobo den bo BerichtenboxCN? Skohe e ora ei, si.
Paso 3
Duna bo adrès di e-mail. Di awor padilanti bo ta risibí un mensahe riba e adrès di e-mail akí ora bo risibí pòst nobo den bo BerichtenboxCN.
Paso 4
Pa kontrolá si e adrès di e-mail ta korekto, bo ta risibí un e-mail ku un kódigo di verifikashon. Yena e kódigo ei.
Awor bo kuenta ta kreá
Bo por risibí bo pòst digitalmente mesora via BerichtenboxCN, wak bo datonan personal i sigui bo asuntunan koriente.
Si bo no ta deseá di risibí mensahe di un òf diferente organisashon gubernamental, bo por kambia esei fásilmente. Bo ta risibí bo mensahenan e ora ei gewon via pòst.