Belastingdienst Caribisch Nederland ta hasi su máksimo esfuerso pa sirbi bo mas mihó posibel. Tòg por sosodé ku bo no ta kompletamente satisfecho ku nos servisio. Den e kaso ei nos ta haña ku ta importante pa bo keho yega serka nos. Esaki ta duna nos e posibilidat pa huntu yega na un solushon i mehorá nos servisio mas aleu.
Bo tin un keho tokante Belastingdienst Caribisch Nederland?
E ora ei bo por entregá esaki via klachten@belastingdienst-cn.nl.
Por fabor menshoná tambe:
- Bo nòmber i informashon di kontakto
- Un splikashon kla di bo keho
- Informashon ku por ta importante pa tratamentu di bo keho (por ehèmpel: fecha di kontakto, kolaboradó embolbí, òf number di referensia)
Despues di entrega di bo keho bo ta risibí un meil di konfirmashon. Despues lo investigá bo keho kuidadosamente. Denter di seis siman bo ta risibí un reakshon ku e kontenido di nos.
Nos ta apresiá ku bo ta hasi esfuerso pa kompartí bo keho ku nos, i ta tuma kada keho na serio. Asina so nos por sigui optimalisá nos servisio.