E areglo di expat
E areglo di ex-patriate ta un areglo fiskal ku ta stimulá kontratashon di empleado kapasitá for di eksterior. Ora bo ta kumpli ku e kondishonnan, bo dunadó di trabou mester retené menos impuesto riba suèldo for di bo suèldo. Pa hasi uso di e arego aki bo dunadó di trabou mester a hasi un petishon na nos, huntu ku bo.
Si pa abo òf bo kasá den e impuesto riba suèldo a tene kuenta ku e areglo di ex-patriate bo mester menshoná esei aki. E areglo aki, riba petishon, ta konta pa maksimalmente 5 aña i despues por ekstend’é un bia mas ku 5 aña i e ta apliká ora:
- promé ku bo a kuminsá traha na Hulanda Karibense bo a biba pa minimalmente 5 aña siguí pafó di Hulanda Karibense;
- bo ta disponé di un diploma universitario òf HBO i minimalmente 5 aña di eksperensia ku trabou;
- bo ta risibí di un rekompensa di minimalmente USD 83.500 pa aña; i
- bo ekspertisio spesífiko ta skars riba merkado lokal; i
- si, basá riba:
- un Disposishon ex-patriates 1998 òf Disposishon ex-patriates Sint Eustatius 2005 ku ta na vigor den e pais ántes yamá Antia Hulandes;
- e Disposishon ex-patriates 1998 òf e Disposishon ex-patriates Sint Eustatius 2005 ku durante e periodo di transishon tabata na vigor komo areglo ministerial; a konsiderá bo komo ex-patriate, pa bo ta konta ku, pa aplikashon di e areglo manera e ta konta pa BES for di 1-1-2011, a konsiderá bo pa medio di disposishon di inspektor komo ex-patriate.
E periodo den kua a konsiderá bo komo ex-patriate basá riba e Disposishonnan ‘bieu’ di e pais Antia Hulandes òf Sint Eustatius ta hasi e periodo di 5 aña ku lo a konta for di 1-1-2011 mas kórtiku. Pues no tin un periodo nobo ku ta kuminsá kana.