Aksesibilidat

E Ofisina di Impuesto Hulanda Karibense ke pa tur hende komprondé i por hasi uso di e informashon riba e website aki. P’esei nos ta sigui traha pa mehorá e site. E státus di e website bo ta haña den nos deklarashon di aksesibilidat.

Kiko ta un website aksesibel?

Tur grupo di enfoke por hasi mihó uso di un website aksesibel. P’esei den e Tijdelijk besluit digitale toegankelijkheid overheid  (Desishon temporal aksesibilidat digital gobièrnu) ta stipulá ku site di gobièrnu mester kumpli ku eksigensianan di aksesibilidat manera ta stipulá den e norma Oropeo i standart internashonal EN 301 549/WCAG 2.1 i mester duna kuenta pa esaki den un deklarashon di aksesibilidat publiká.

Deklarashon di aksesibilidat

A redaktá e deklarashon di aksesibilidat di e Ofisina di Impuesto Hulanda Karibense dia 16 di desèmber 2020 i e ta konta pa e website: Belastingdienst-cn.nl.

E website kasi ta kumpli ku e eksigensianan stipulá. Nos ta aspirá pa nos informashon i servisio digital ta aksesibel pa mas tantu hende posibel. Tambe ora nan tin un limitashon òf sièrto preferensia. Den e deklarashon di aksesibilidat di Belastingdienst-cn.nl bo por mira eksaktamente kon aksesibel nos website ta. Eiden tambe tin pará kua medida nos ta tuma pa kumpli ku nos deber.

Lesa e toegankelijkheidsonderzoek WCAG 2.1, uitgevoerd door Accessibility (investigashon aksesibilidat WCAG 2.1 realisá pa Accessibility) dia 10 di novèmber 2020.

Mèldu problema ku aksesibilidat

Bo ta haña bo ku un problema di aksesibilidat? Òf bo tin un pregunta òf remarke tokante e aksesibilidat di nos website? Tuma kontakto ku nos e ora ei.

Otro rapòrt di investigashon di aksesbilidat

Lesa e rapòrt toegankelijkheidsonderzoek WCAG 2.1, niveau AA (Android)

Lesa e rapòrt toegankelijkheidsonderzoek WCAG 2.1, niveau AA (iOS)