Belastingdienst Caribisch Nederland

Organisashon di ehekushon

Belastingdienst Caribisch Nederland (B/CN) ta un organisashon di ehekushon. B/CN ta un parti di e Belastingdienst Caribisch Nederland i ta ehekutá e leinan di impuesto ku ta na vigor pa e islanan Boneiru, Saba i Sint Eustatius.

Ku B/CN ta un organisashon di ehekushon ta nifiká, ku no ta e mes ta determiná e lei òf por adaptá regla. Ministerio di Finansa ta redaktá  legislashon i regulashon stipulá pa Gobièrnu i Eerste i Tweede Kamer di parlamento na Hulanda.

Imposishon i kobransa di Impuesto di Reino

Mayoria hende konosé e Impuesto riba suèldo, pero manera por lesa riba e website aki tin mas tipo di impuesto ku B/CN tin di haber kuné. E Belastingdienst Caribisch Nederland ta responsabel pa ehekushon di e siguiente impuestonan:

• Impuesto di konsumo general
• Impuesto riba inmueble
• Impuesto riba suèldo
• Impuesto riba entrada
• Impuesto di wega di azar
• Impuesto riba resultado
• Impuesto di traspaso
• Akseinsnan

Komo siudadano bo tin di haber ku otro imposishon tambe. Pero esaki e ora ei ta impuesto imponé pa e gobièrnu lokal, manera por ehèmpel impuesto di tera òf impuesto pa vehíkulo motorisá. Algun di e impuestonan lokal aki bo mester paga B/CN via banko.

Deklarashon i papel di impuesto

Pa e Impuesto di konsumo general, e Impuesto riba suèldo, e Impuesto di wega de azar, e Impuesto riba resultado i e Impuesto di traspaso, e pagadó di impuesto proaktivamente mester entregá un deklarashon i paga pareu. Si no hasi esaki òf no na ora, BCN mes ta saka un papel di impuesto (e asina yamá ambtshalve aanslag).

Pa e impuesto riba entrada ta entregá un formulario ku e pagadó di impuesto mester yena i entregá. A base di e datonan aki B/CN ta fiha un papel di impuesto. E resultado di esaki por ta ku bo ta haña sèn bèk òf ainda mester paga aserka, òf ku retenshon riba suèldo ta retenshon final, den e kaso aki bo no mester paga nada aserka i bo no ta haña nada bèk.

Supervishon

Manera ta resultá for di loke tin ariba, pa mayoria impuesto bo mes mester hasi deklarashon i posiblemente paga. Hopi bia kos ta kaba einan. Regularmente e Ofisina di Impuesto ta evaluá deklarashonnan hasí, esaki yama supervishon.

E supervishon aki tin hopi forma, manera

• pa medio di un kòntròl;
• pa medio di un karta ku pregunta;
• pa medio di un kontakto telefóniko.

Imposishon i Kobransa

Bo mester paga tur bo impuestonan via banko. Si bo no hasi esaki, e kobransa ta kuminsá. Na promé instansha e prosedura aki ta kuminsá ku un notifikashon, pero despues por ta ku e dùrwarder mester pasa serka bo, e akshonnan aki ta trese gastu, e gastunan aki e ora ei ta bini riba bo debe di impuesto. Si bo ta premirá problema ku pago, tuma kontakto ku nos pa papia por ehèmpel tokante un areglo di pago.