Pa tur hende ku tin di aber ku Belastingdienst Caribisch Nederland, ta eksistí e posibilidat pa entregá un keho. Esaki ta konta pa partikularmente negoshi, fundashon, etc. Gustosamente huntu ku bo nos ke yega na un solushon.
Ki ora bo por entregá un keho?
- Ora bo no ta satisfecho ku e manera ku Belastingdienst CN a trata bo.
- Ora e keho ta toka henter Belastingdienst òf Douane.
- E keho ta toka un empleado spesífiko.
Ki ora bo no por entregá un keho?
Bo no por entregá un keho kontra desishonnan di Belastingdienst CN ku bo por entamá un opheshon òf apelashon. Un ehèmpel ta ku bo no ta di akuerdo ku altura di e aanslag ku a imponé.
Kon bo por entregá un keho?
- Aki bo por download e formulario di keho komo pdf, yen’e por kompleto i mand’e pa nos via pòst. E adrès ta pará riba e formulario.
- Bo por manda un mail òf un karta pa Belastingdienst CN. Riba e ènvelòp, menshoná e tópiko “Keho”. https://www.belastingdienst-cn.nl/contact
- Den bo mail òf bo karta bo ta deskribí mas kla posibel kiko bo keho ta trata di dje, kiko a bai robes, ki ora esei a sosodé i ku ken bo a papia. No ta importá si bo no ta kòrda e nòmber mas. Tambe menshoná bo nòmber, adrès, number di telefòn i number di CRIB.
- Indiká si bo ke splika bo keho durante un kòmbersashon.
Bo a entregá un keho, kiko ta pasa awor?
Bo keho ta importante pa nos. Pasobra gustosamente nos ke tende kon nos por hasi nos trabou mas mihó. Gustosamente, huntu ku bo nos ke yega na un solushon! Aki bo por lesa den linianan grandi kiko nos ta hasi ku bo keho.
Denter di un siman bo ta haña un konfirmashon di resepshon i e persona ku ta trata bo keho lo tuma kontakto ku bo via telefòn denter di 1 siman. E ora ei e ta deliberá ku bo kiko ta pasando. Nos no por alkansá bo? E ora ei bo ta haña un karta òf e-mail.
E persona ku ta trata bo keho ta averiguá kiko a pasa i kon por solushoná bo problema.
E persona ku ta trata bo keho ta traha na Belastingdienst CN. Tòg, e ta husga bo keho di forma neutral i imparsial. E persona ku ta trata bo keho nunka no tabata envolví den e situashon ku bo ta keha di dje. I e ta husga e situashon ei ophetivamente.
E persona ku ta trata bo keho ta kompilá informashon tokante bo keho. Pa e motibu aki e ta tuma kontakto ku bo i si bo ke esei, bo por bin splika bo keho durante un kòmbersashon personal.
E persona ku ta trata bo keho tambe ta papia ku un empleado di Belastingdienst òf Douane ku tin konosementu di e tópiko di kua bo ta keha. Tin bia pareu, mayoria bia apart. E meta ta pa solushoná e problema.
E investigashon por dura 6 siman. Tin bia mester di mas tempu. Nos lo notifiká bo e ora ei.
Bo ta satisfecho? E ora ei, bo ta haña un karta òf un e-mail kòrtiku di nos. Ei den tin pará ku a kaba di trata bo keho. Bo ta preferá un karta òf e-mail ekstenso? E ora ei esei tambe ta posibel. Bisa e persona ku ta trata bo keho.
Trato di bo keho ta para aki. Si bo no ke esei, nos lo sigui trata bo keho.
Bo no ta satisfecho ku resultado di trato di e keho? E ora ei bo ta haña un karta ekstenso. Aki ta para trato di bo keho.
Bo no ta satisfecho ku e manera ku nos a trata ku bo keho? E ora ei bo por entregá un petishon serka Nationale ombudsman (defensor di pueblo). Nationale ombudsman lo averiguá si Belastingdienst CN a trata bo keho korektamente.
Òf bo por skibi un karta pa Commissie voor de Verzoekschriften van de Tweede Kamer der Staten-Generaal (Komishon pa petishon di Tweede Kamer der Staten-Generaal) òf Commissie voor de Verzoekschriften van de Eerste Kamer der Staten-Generaal (Komishon pa petishon di Eerste Kamer der Staten-Generaal).
https://www.tweedekamer.nl/kamerleden_en_commissies/commissies/verz/verzoekschriften