Impuesto riba entrada ta un impuesto ku ta kobra sigun entrada. Bo ta paga impuesto riba entrada aki ora bo ta biba na Boneiru, Sint Eustatius òf Saba (pagadó di impuesto pa habitante), òf ora bo no ta biba aki, pero bo tin fuente di entrada na un di e islanan di Hulanda Karibense (pagadó di impuesto pa ekstranhero).
Sigun e aña tokante di kua bo ta hasi deklarashon pa e impuesto di entrada, bo ta usa e deklarashon online òf e formulario di deklarashon. Despues ku bo a hasi deklarashon, bo ta risibí un papel di impuesto (aanslag) den kua tin pará kuantu bo ta risibí bèk òf mester paga. E montante ku bo mester paga òf haña bèk, ta dependé di bo situashon personal.
E posibilidat pa hasi deklarashon impuesto riba entrada (IB) online.
E aña aki tambe bo por hasi bo deklarashon IB online. Esaki ta nifiká ku bo por entregá bo deklarashon elektróniko via di e website di Belastingdienst. Klek aki pa entregá online via Mijn Belastingdienst Caribisch Nederland
Pregunta tokante e deklarashon online
Semper bo por yama nos helpdesk pa informashon adishonal òf pa sosten. Na kada isla tin oranan diferente i numbernan di telefòn spesial. Aki bou bo ta haña un bista general.
|
Boneiru |
|
|
Djaluna te ku djaweps di 8 or di mainta pa 12 or di mèrdia i di 2 or di mèrdia pa 4 or di atardi |
|
|
Djabièrnè di 8 or di mainta pa 12 or di mèrdia |
|
|
Tel |
+599 715 8585 |
|
Saba |
|
|
Djaluna te ku djaweps di 9 or di mainta pa 12 or di mèrdia i 2 or di mèrdia pa 4 or di atardi |
|
|
Djabièrnè di 9 or di mainta pa 12 or di mèrdia |
|
|
Tel |
+599 416 3941 of 416 3942 |
|
Sint Eustatius |
|
|
Djaluna te ku djaweps di 9 or di mainta pa 12 or di mèrdia i 2 or di mèrdia pa 4 or di atardi |
|
|
Djabièrnè di 9 or di mainta pa 12 or di mèrdia |
|
|
Tel |
+599 318 3325 of 318 3326 |
Ku e portal di deklarashon online aki, nos ta konfia ku nos ta optimalisá e fasilidat di uso i nos servisio.
Primanan di seguro sosial
Meskos ku ántes, huntu ku e impuesto riba entrada tambe ta kobra primanan di seguro sosial. Ta trata di primanan pa e wet algemene ouderdomsverzekering (AOV, lei general di penshun di behes), algemene weduwe-en wezen wet (AWW, lei seguro di huérfano i viuda BES) i e prima pa e seguro di kuido. Debí na e introdukshon di e seguro di kuido no ta kobra e prima AVBZ mas.
For di e aña fiskal 2016 a abolí e kindertoeslag (supsidio adishonal pa yu). Na su lugá tin e kinderbijslag (kompensashon pa yu). Riba e pago di kompensashon pa yu ku bo ta risibí no ta kobra impuesto riba entrada. Bo no mester deklará esaki den e deklarashon di impuesto riba entrada.