Interes konsiderabel
Bo tin un interes konsiderabel ora abo òf abo huntu ku bo kasá ta doño di (opshonnan riba) minimalmente 5% di e kapital na akshon den un sosiedat di kua e kapital ta repartí den akshon. Ademas e akshonnan ta parti di un interes konsiderabel si abo mes ta doño di ménos ku 5%, pero bo kasá òf un miembro di famia den e liña direkto sí ta doño di 5% òf mas di e kapital na akshon.
Ganashi for di interes konsiderabel
Riba e ganashinan for di interes konsiderabel ta imponé un tarifa di 5%. E ganashi for di interes konsiderabel ta konsistí di bentaha regular, por ehèmpel e pagonan di dividènt i for di e ganashinan ku bo ta risibí ora di enahenashon di bo akshonnan, bo pruebanan di ganashi òf bo demandanan.
E siguiente situashonnan tambe ta mira komo benta:
- bende akshon
- kumpra akshon
- benta i kompra di prueba di ganashi
- pone pago di likidashon na benta
- paga debe
- trese akshon den e kapital di un empresa
- stòp di tin un interes konsiderabel (por ehèmpel pasobra e sosiedat a trese mas akshon riba merkado)
- no biba na Hulanda Karibense mas
Enahenashon di entre otro bo akshonnan ke men benta di bo akshonnan.
Bo ganashi for di enahenashon ta bo ganashi for di benta.
Bo preis for di enahenashon ta bo preis di benta.
Bo preis di atkisishon ta e preis pa kua bo a kumpra bo akshonnan.
Bo ta kalkulá e ganashi for di enahenashon kitando e preis di enahenashon for di e preis di atkisishon. Ban bisa ku na 2013 bo a kumpra un pakete di akshon na balor di USD 5.000. E akshonnan aki bo ta bende dos aña despues pa USD 8.000. E ora ei bo ganashi for di enahenashon ta USD 3.000.
Preis di enahenashon USD 8.000
Preis di atkisishon USD 5.000-/-
Ganashi for di enahenashon USD 3.000