Gastu personal – Renta vitalisio
Aki bo por menshoná pagonan di renta vitalisio, penshun, i otro pago periódiko ku ta entradanan ku ta kobra impuesto riba nan serka esun ku ta benefisiá di nan.
Paga tinu! Ta pèrmití dedukshon di pago periódiko pagá ku ta ekivalente na loke un prestashon ta bal, solamente si a paga mas na pagonan periódiko ku e prestashon ku a haña pa esaki.
Paga tinu! Dedukshon di pagonan periódiko pagá ku no ta ekivalente na loke un prestashon ta bal, no ta pèrmití si a hasi e gastunan na por ehèmpel e siguiente parientenan:
- bisañetu, ñetu i yu
- kasánan di e yunan aki
- welanan i mayornan
- ruman, ruman di mama/tata i nan kasánan. Pa motibu di klaridat: ora bo a paga alimentashon na bo èks-kasá, bo por dedusí e pagonan. E suma ku bo a paga komo alimentashon pa bo yunan desabilitá, bo por kita komo gastunan ekstraordinario. Wak despues di esaki e pregunta Gastu Ekstraordinario den e deklarashon.