Impuesto riba wega di azar ta un impuesto ku organisadornan i ganadornan di wega di azar mester paga riba e “ganashi” ku nan ta logra ku un wega di azar.
2 tipo di wega di azar
- Wega serka kua ta determiná e ganadó di premio pa kasualidat
E partisipantenan den un wega asina no tin un influensia desisivo riba e resultado. Esun ku tin suerte ta gana. Ehèmpelnan di e weganan di azar aki ta loteria, bingo, pustamentu i wega di poker. Seguro di bida i prima di fiansa ta ekskluí. - Konkurso
Por ehèmpel resolvé un pùzel òf quiz di konosementu. No tin konkurso ora e partisipante suministrá un prestashon sientífiko òf artístiko. Esei ta konta tambe ora e ganadó di premio hasi un prestashon serka kua e partisipashon ta sirbi interes general, por ehèmpel un plan pa drecha medioambiente.
Kiko no ta un wega di azar pa Belastingdienst?
Ora un grupo chikí di hende hunga un wega di azar huntu, no ta papia di un wega di azar pa impuesto riba wega di azar. No ta pèrmití otronan pa partisipá den e wega e ora ei. Den e situashon aki bo mester pensa riba un famia òf un grupo chikí di amigu.
Kiko ta wega di azar nashonal?
Wega di azar nashonal ta ora personanan natural òf entidatnan ku ta establesé na e islanan BES organisá e wega di azar. Bou di entidatnan ta komprondé asosiashonnan i otro persona hurídiko, sosiedat, kompania i doelvermogen (suma total di un seguro ora e vense).
Kiko ta wega di azar di eksterior?
Weganan di azar den eksterior ta ora ku e no ta organisá na e islanan BES, òf pa un entidat ku no ta establesé na e islanan BES.