Deklarashon impuesto wega di azar

Organisadornan

Den kaso di portador di pèrmit ku ta organisá wega di kasino basá riba e Wet Hazardspelen (Lei Wega di Azar) I òf II, mester entregá e deklarashon denter di 15 dia despues di fin di un luna kalendario.

Den kaso di portador di pèrmit ku ta organisá loteria a base di e Loterijwet BES (Lei di Loteria BES), mester entregá e deklarashon denter di 15 dia despues di e dia riba kua a pone e premio na disposishon.

Ganadornan di premio

Bo mester hasi deklarashon denter di 15 dia despues ku bo a risibí e premio. Premio ta tur biennan ku tin balor den e tráfiko ekonómiko i ku ganadó di premio di un wega di azar ta risibí. Esei por ta sèn (tur moneda) pero tambe otro bien ku no ta sèn, manera un outo, un sofá, biahenan i otro kos semehante.

Ora bo gana un biahe òf biennan, ta difísil pa determiná riba kua suma mester paga impuesto. Lei ta stipulá ku e balor den e tráfiko ekonómiko ta desisivo. Ora por ehèmpel bo gana un biahe, mester wak kiko ta e balor di e biahe ei den e tráfiko ekonómiko. O sea: kiko e biahe ei ta kosta serka e agensia di biahe?

Eksonerashon

Bo no mester paga impuesto riba wega di azar ora:

• e balor di e premio ku a gana no ta mas ku USD 600;
• e depósito pa wega di azar ta mas grandi òf igual na e premio ku a gana; e posibel gastu ku bo hasi pa partisipá, no ta konta komo depósito;
• bo a gana un premio den un wega di azar den eksterior ya bo a paga un impuesto similar den eksterior riba e premio ei. Den e kaso aki sí bo mester hasi deklarashon ainda, bo ta pidi e ora ei pa prevenshon di pago dòbel.

Tarifa

E tarifa pa impuesto riba wega di azar ta 10%. Ehèmpel, bo ta gana un outo di USD 20.000, e impuesto ku debe riba esaki ta USD 20.000 x 10% = USD 2.000.

Papel di impuesto (aanslag)

Si bo no hasi deklarashon i no paga e impuesto ku debe, por imponé un papel di impuesto ku ta bini despues (naheffingsaanslag) ku but.