Paga impuesto wega di azar
Bo ta paga e impuesto riba wega di azar na momentu ku bo hasi e deklarashon.
Organisadornan
E organisador mester paga e impuesto denter di 15 dia despues di fin di un luna kalendario den kaso di wega di kasino interior. Den kaso di loteria nashonal, e organisador mester retené e impuesto riba e dia ku ta pone e premio na disposishon i transferié denter di 15 dia despues di e dia riba kua ta otorgá e premio ku a pone na disposishon.
Ganadornan di premio
E ganador di premio mester paga e impuesto ku e debe denter di 15 dia despues ku el a risibí e premio nashonal òf eksterior. Aki ta trata di premio manera menshoná bou di e titular “ganador di premio”.
Pago via banko
Tantu e organisador komo e ganador di premio mester hasi e pago via banko. Aki ta di gran importansia pa menshoná e referensia di pago. E referensia di pago ta (betalingskenmerk):
number di Crib /104/fecha ku a risibí premio, por ehèmpel 123456789.104.01012015