Impuesto wega di azar ki ora?

E organisador òf e ganador di premio mester paga e impuesto wega di azar. Esaki ta dependé di e tipo di wega di azar.

Organisadornan

Ora bo oganisá wega di azar, bo mester paga impuesto riba wega di azar ora:

  • abo ta e organisador di wega di kasino interior (sigun e Wet hazardspelen BES I (Lei Wega di Azar BES I) òf e Wet hazardspelen BES II (Lei Wega di Azar BES II)
  • abo ta e organisador di loterianan (sigun e Loterijwet BES; Lei di Loteria BES)

Organisadornan di wega di kasino interior

Ora bo ta establesé na Hulanda Karibense, bo mester paga impuesto di wega di azar riba bo resultadonan for di e weganan di kasino. Weganan di kasino ta wega di mesa i mashin di hunga plaka, djèkpòt (slotmachines) òf bandidu ku un brasa. Ganadornan di premio di wega di kasino no mester paga impuesto riba wega di azar.

Organisador di loteria

Ora bo ta establesé na Hulanda Karibense, bo mester paga impuesto riba wega di azar riba e premionan ku bo ta duna a base di un loteria. No ta kobra impuesto riba wega di azar ora e premio no ta mas ku USD 600. Esaki ta konta tambe ora e depósito pa kada wega di azar ta mas grandi òf igual na e premio ku a gana.

Riba kiko abo komo organisador ta paga impuesto?

Den kaso di wega di kasino bo ta paga impuesto riba wega di azar riba e diferensia entre e depósitonan i e premionan. Esaki por trese kuné ku den sierto temporada ta paga mas sèn na premio ku ta risibí na depósito. Den e kaso ei no debe impuesto den e temporada ei i bo por deskontá e pèrdida ku resultado positivo den e temporada(nan) benidero.

Den kaso ku e portador di pèrmit a base di e Loterijwet BES (Lei di Loteria BES) ta kobra e impuesto riba e premio.

Organisador ta paga impuesto riba wega di azar

E ganador di premio ta e pagadó di impuesto, pero e organisador di e wega di azar ta retené e impuesto riba wega di azar riba e premio bruto i ta paga e impuesto aki na e Ofisina di Impuesto/CN.

E premio e ta paga neto na e ganador di premio. E organisador tambe por tuma e impuesto riba wega di azar pa su propio kuenta. Esaki ta sosodé hopi ora e premio no ta konsistí di un suma di sèn, por ehèmpel un outo òf un biahe. E impuesto riba wega di azar ku e ganador di premio awor tampoko ta paga e mes, e ora ei ta forma parti di e premio.

Hasi deklarashon ki ora?

Bo mester hasi deklarashon denter di 15 dia despues ku a otorgá e premio (pon’é na disposishon).

Preis ta tur bienes ku tin balor den e tráfiko ekonómiko i ku ganadó di preis di un wega di azar ta risibí. Esei por ta sèn (tur moneda) pero tambe otro bien ku no ta sèn, manera un outo, un sofá, biahenan i otro kos semehante.

Ora bo gana un preis òf bienes, ta difísil pa determiná riba kua suma mester paga impuesto. Lei ta stipulá ku e balor den e tráfiko ekonómiko ta desisivo. Ora por ehèmpel bo gana un biahe, mester wak kiko ta e balor di e biahe ei den e tráfiko ekonómiko. O sea: kiko e biahe ei ta kosta serka e agensia di biahe?

Tarifa

E tarifa pa e impuesto di azar ta 10%.

Papel di impuesto

Si bo no hasi deklarashon i no paga e impuesto ku debe, por imponé un papel di impuesto ku ta bini despues (naheffingsaanslag) ku but.

Paga

Bo ta paga e impuesto riba wega di azar na e momentu ku bo ta hasi e deklarashon.

Paga via banko

Mester hasi e pago via banko, wak riba e página paga i risibí pa mas informashon.

Aki ta di gran importansha pa menshoná e karakterístika di pago. E karakterístika di pago ta:

Number di Crib /104/fecha ku a risibí premio, por ehèmpel 123456789.104.01012015

Opheshon

Bo por oponé e impuesto wega di azar ora bo a haña un papel di impuesto ku ta bini despues di e impuesto wega di azar ku bo no ta di akuerdo kuné.

E ora ei bo mester entregá un karta di opheshon serka Ofisina di Impuesto/Hulanda Karibense, denter di dos luna despues di e fecha riba e papel di impuesto. Den bo karta bo mester indiká e motibu pa bo opheshon. Tambe bo mester menshoná e number di CRIB, e aña i number di papel di impuesto den bo karta.

Manda e karta di opheshon pa:

Ofisina di Impuesto/Hulanda Karibense

Na atenshon di: departamentu impuesto riba wega di azar

Riba e página di kontakto wak e datonan di adrès pa kada isla.