E impuesto riba propiedat inmóbil ta un impuesto riba benefisio for di propiedat inmóbil na Hulanda Karibense. Ta kobra e impuesto serka esnan ku ta risibí e benefisio. Esaki por ta e doño pero tambe un persona ku un ‘zakelijk gerechtigde’ (un persona ku outoridat riba e propiedat inmóbil), manera un hende ku ta paga èrfpagt. Pa persona no natural (por ehèmpel sosiedat (vennootschap) i fundashon) e impuesto aki, huntu ku e impuesto riba resultado, a bini na lugá di e impuesto riba ganashi.
Forfaitaire heffing (imposishon komo preis fiho)
E impuesto riba propiedat inmóbil ta un imposishon komo preis fiho. Esaki ta nifiká ku e fihamentu di e imposishon no ta basá riba e entrada berdadero (na hür), sino ku ta fiha e resultado riba un porsentahe standart di e balor di e opheto. Ban bisa, bo ta risibí entrada na hür for di un bibienda ku hende ta hür serka bo. E ora ei no ta kalkulá e impuesto riba e hür real ku bo ta risibí, sino riba un entrada fiktisio di 4 % di e balor di e propiedat inmóbil.
Sierto opheto, entre nan e bibienda den kua e doño mes ta biba, tin eksonerashon for di e impuesto riba propiedat inmóbil. Lesa mas tokante esaki den e parti “eksonerashon”