Preguntanan hasí frekuentemente

E periodo denter di lokual mester mèldu ta varia pa kada situashon. Pa situashon unda bo ta kuminsá disfrutá di un bien inmóbil, e término ta kuater luna. Ora di un kambio na e bien inmóbil, mester mèldu kuater luna despues ku e kambio a tuma lugá.

Esun ku, na komienso di un aña kalendario ta disfrutá en virtut di propiedat, poseshon òf derecho limitá, i denter di un aña despues di kabamentu di e aña kalendario ei no a risibí un aanslag, mester mèldu denter di kuater luna despues di kabamentu di e aña ei.

Tur hende ku for di promé di yanüari 2024 a kumpra un propiedat inmóbil, a hasi un kambio na nan propiedat inmóbil, òf pa esun ku for di promé di yanüari 2024 no a risibí un aanslag impuesto riba propiedat inmóbil i ku pa e aña ei sí ta debe impuesto riba propiedat inmóbil.

Si vários persona òf entidat ta disfrutá di un bien inmóbil en virtut di propiedat, poseshon òf derecho limitá, un di nan mester mèldu na nòmber di tur e personanan òf entidatnan ei.

Klek riba e lenk aki (verkorte url hier toevoegen) i habri e formulario pa mèldu Impuesto riba propiedat inmóbil. Bo ta yena e formulario i mand’é. Despues bo ta haña un imeil di konfirmashon.

Ta importante pa mèldu na tempu. Si bo no mèldu na tempu, òf si no a fiha e aanslag òf si a fiha pa un suma demasiado abou, por imponé un but. E but por subi te un suma máksimo di 100 porshento di e suma di e aanslag ku bo ta haña.

Bo tin pregunta tokante e obligashon di mèldu Propiedat Inmóbil? Den e kaso ei, bo por manda un imeil pa balie@belastingdienst-cn.com