Dispensashonnan impuesto di inmueble
E impuesto di inmueble konosé un kantidat di “dispensashonnan”. Esun mas importante ta ku no ta kobra impuesto di inmueble riba un bibienda ku e doño ta biba aden komo residensia prinsipal. Tampoko no debe impuesto di inmueble riba inmueble ku ta pertenesé na e kapital di un empresa IB (IB onderneming). Pa informashon tokante e VGB i e dispensashonnan bo por akudí tambe na e Belastingdienst Caribisch Nederland.
Dispensashonnan prinsipal
E dispensashonnan prinsipal ta:
- E kas propio ku un pagadó di impuesto ta usa komo residensia prinsipal;
- Un inmueble ku ta parti di e kapital di un empresa di un persona;
- Tereno ku ta eksplotá komo empresa pa agrikultura i selvikultura (bosbouw);
- Tereno den naturalesa;
- Inmueble destiná pa sirbishi di misa públiko manera iglesianan;
- Asina yamá ‘dormant property’ (slapend eigendom), o sea tereno bashí sin konstrukshon ariba, ora e doño ta habitante di Hulanda Karibense;
- Un dispensashon pa e promé 70.000 di e balor di e di dos kasnan;
- Inmueblenan di un entidat ku a base di artíkulo 5.2 di Belastingwet BES (Lei di Impuesto BES) ta konsiderá di ta situá na Hulanda.
Esakinan no ta tur e dispensashonnan. Pa un bista general kompleto ta referí bo na artíkulo 4.4 Belastingwet BES (Lei di Impuesto BES).
Fuera di esei tambe tin un dispensashon riba invershon