Bai directamente na kontenido

Mèldu Kambio Propiedat Inmóbil

Entrante promé di yanüari 2024, a introdusí un obligashon di mèldu Propiedat Inmóbil. 

Doño nobo di bibienda òf di edifisio komersial tin e obligashon pa nan mes mèldu esaki. Ademas, e obligashon tambe ta konta pa doñonan ku no a risibí un papel di belasting. E deber aki ta sòru ku tur hende ku ta doño di propiedat inmóbil, i ku lo mester haña un aanslag, ta haña un aanslag riba propiedat inmóbil tambe. 

Kiko ta e akontesimentu?

Ehèmpelnan:

Atkisishon propiedat inmóbil

1. Dia 30 di òktober 2023 bo a kumpra un bibienda ku ta sirbi komo residensia prinsipal. Pasobra e obligashon di mèldu ta konta for di promé di yanüari 2024 bo no tin nodi di mèldu esei.

2. Dia 30 di òktober 2023 bo a kumpra un bibienda ku ta fungi komo di dos bibienda (rekreashon/hür). Pa motibu ku e obligashon di mèldu ta konta for di promé di yanüari 2024 bo no tin nodi di mèldu esei.

3. Dia promé di febrüari 2024 bo ta kumpra un bibienda ku ta sirbi komo residensia prinsipal. E kompra aki bo mester mèldu na Ofisina di Impuesto. Mester mèldu pa mas tardá denter di kuater luna despues di e kompra. Den e situashon aki, bo mester a mèldu pa mas tardá promé di yüni 2024.

4. Dia promé di febrüari 2024 bo ta kumpra un bibienda ku ta sirbi komo di dos bibienda (rekreashon/hür). E kompra aki bo mester mèldu na Ofisina di Impuesto. Mester mèldu pa mas tardá denter di kuater luna despues di e kompra. Den e situashon aki, bo mester a mèldu pa mas tardá promé di yüni 2024.

5. Promé di febrüari 2024 bo empresa ta kumpra un edifisio komersial. E kompra aki bo mester mèldu na Ofisina di Impuesto. Mester mèldu pa mas tardá denter di kuater luna despues di e kompra. Den e situashon aki, bo mester a mèldu pa mas tardá promé di yüni 2024.

Kambio na bo bien inmóbil

6. Bo a hasi un renovashon (grandi) òf por ehèmpel a traha un pisina na bo propiedat inmóbil. E finalisashon di e konstrukshon òf e trabou riba e pisina tabata kla promé di mei 2023. Pa motibu ku e obligashon di mèldu ta konta for di promé di yanüari 2024 bo no tin nodi di mèldu esei.

7. Bo a hasi un renovashon (grandi) òf por ehèmpel a traha un pisina na bo propiedat inmóbil. (oumento di balor). E finalisashon di e konstrukshon òf e trabou riba e pisina ta kla promé di febrüari 2024. E kambio aki bo mester mèldu na Ofisina di Impuesto. Mester mèldu pa mas tardá denter di kuater luna despues di (finalisashon di) e kambionan na bo propiedat inmóbil na Ofisina di Impuesto. Den e situashon aki, bo mester a mèldu pa mas tardá promé di yüni 2024.

8. Promé di novèmber 2024, un kandela òf (otro) desaster natural a destruí un parti di bo bibienda (depresiashon). E destrukshon aki bo mester mèldu na Ofisina di Impuesto. Mester mèldu pa mas tardá denter di kuater luna despues di e kambionan na bo propiedat inmóbil na Ofisina di Impuesto. Den e situashon aki, bo mester a mèldu pa mas tardá promé di mart 2025.    

No a risibí un aanslag impuesto riba propiedat inmóbil

9. Promé di yanüari 2023 bo tin un propiedat inmóbil den propiedat (manera menshoná den artíkulo 4 Wet IB BES / Lei IB BES) ku bo ta usa komo bo residensia prinsipal. Den e aña 2024 bo no ta risibí un aanslag impuesto propiedat inmóbil 2023. Den e impuesto propiedat inmóbil tin un eksonerashon pa propio bibienda ku bo ta usa komo residensia prinsipal. Bo no tin nodi di risibí un aanslag impuesto propiedat inmóbil 2023 pa esaki sino un aanslag impuesto di tereno. Den e situashon aki bo no tin nodi di mèldu. 

10. Promé di yanüari 2023 bo tin un propiedat inmóbil den propiedat (manera menshoná den artíkulo 4 Wet IB BES / Lei IB BES) ku bo ta usa komo bo residensia prinsipal. Na fin di 2023, bo ta muda bai (bèk) por ehèmpel Hulanda, pero bo ta sigui ku bo bibienda na Boneiru. Bo situashon ta kambia. Pasobra dia promé di yanüari 2024, bo propiedat inmóbil ya no ta bo residensia prinsipal mas. P’esei, for di promé di yanüari 2024, bo mester risibí un aanslag impuesto riba propiedat inmóbil. Si den aña 2025 bo no a risibí un aanslag impuesto riba propiedat inmóbil 2024, pa mas tardá promé di mei 2026 bo mester mèldu na Ofisina di Impuesto. 

11. Promé di yanüari 2023 bo tin un propiedat inmóbil den propiedat ku ta sirbi komo bo di dos residensia prinsipal (rekreashon). Den e aña 2024 bo no ta risibí un aanslag impuesto riba propiedat inmóbil 2023. Pa e situashon aki no ta konta un eksonerashon pa impuesto riba propiedat inmóbil. Bo mester risibí un aanslag impuesto riba propiedat inmóbil 2023. Bo mester mèldu na Ofisina di Impuesto si bo no a risibí un aanslag denter di un aña despues di kabamentu di e aña kalendario ei. Den e situashon aki, den e aña 2024 bo mester a risibí un aanslag impuesto riba propiedat inmóbil 2023. Awor ku bo no a risibí e aanslag aki, pa mas tardá promé di mei 2025, bo mester a mèldu. 
    
12. Promé di yanüari 2023 bo tin un tereno ku ta pará bashí sin konstrukshon ariba den propiedat. Bo ta un habitante di Boneiru. Den e aña 2024 bo no ta risibí un aanslag impuesto riba propiedat inmóbil 2023. Den e impuesto riba propiedat inmóbil ta konta un eksonerashon pa tereno ku ta pará bashí sin konstrukshon ariba ora e doño ta un habitante di Boneiru, Sint Eustatius òf Saba. Bo no tin nodi di risibí un aanslag impuesto riba propiedat inmóbil 2023. Den e situashon aki bo no mester mèldu.  

Download stroomdiagram Obligashon di mèldu propiedat inmóbil

Ki ora bo mester mèldu?

Tin tres situashon pa kua a introdusí e deber di mèldu pa impuesto riba propiedat inmóbil:

  1. pa esnan ku na sierto momentu (entrante promé di yanüari 2024) ta kuminsá disfrutá di un bien inmóbil en virtut di propiedat, poseshon òf un otro derecho limitá. Por ehèmpel: bo a kumpra un bibienda òf edifisio komersial for di promé di yanüari 2024. Bo mester mèldu esaki denter di kuater luna despues ku bo a kuminsá disfrutá di e bien inmóbil.   
  2. pa esnan ku na dado momentu ta disfrutá di un bien inmóbil en virtut di propiedat, poseshon òf kualke otro derecho real a kousa di lokual (for di promé di yanüari 2024) kambionan na e bien inmóbil ei a tuma lugá dor di konstrukshon, renobashon, mehorashon, desmantelashon òf destrukshon. Por ehèmpel, bo a laga hasi un renovashon, òf a laga traha un pisina (oumento di balor). Òf a desmantelá parti di e edifisio (bahada di balor). Bo mester mèldu esaki denter di kuater luna despues ku un kambio di e bien inmóbil a tuma lugá.
  3. pa esnan ku (for di promé di yanüari 2024) na komienso di un aña kalendario a kuminsá disfrutá en virtut di propiedat, poseshon òf derecho limitá i denter di un aña despues di kabamentu di e aña kalendario ei no a risibí un papel di belasting pa impuesto di propiedat inmóbil. Bo mester mèldu esaki denter di kuater luna despues di kabamentu di e aña kalendario den lokual bo mester a risibí un papel di belasting pa impuesto di propiedat inmóbil.