Un miembro di famia, amigu òf konosí a manda mi merkansia, kiko awor? Kiko ta pasa ora no ta posibel pa importá e merkansia aki ku dispensashon di ABB i/òf akseins?
Pòsterei òf e kompania di servisio di mensaheria ku ta risibí e merkansia ta sòru pa entrega di un deklarashon na Duana na kua pago di e ABB ta tuma lugá. E ABB ta suma:
- 6% ora di importashon di merkansia na Saba i Sint Eustatius;
- 8% ora di importashon di merkansia na Boneiru.
“Ta kobra e ABB riba e balor di duana di e merkansia. Hopi en general por bisa ku e balor di duana ta e preis di e merkansia (balor di kompra), plùs transporte i gastu di seguro te na e promé lugá di entrada na e isla di importashon. Si ta importá produkto suheto na akseins ta inkluí e suma di akseins tambe den e balor di duana.
Konsultá e Douane- en accijnswet BES (Lei di duana i akseins BES), kapítulo 3 i e Belastingwet BES (Lei di Impuesto BES) artíkulo 6.18 si bo ke sa tur kos tokante determinashon di e balor di duana i e komponentenan ku mester ta envolví den e imposishon di ABB den e balor di duana.”
Ora ta papia di importashon di merkansia suheto na akseins por ta asina ku, fuera di e ABB, bo debe akseins tambe. Na ekipahe di biahero bo ta haña un bista general di e tarifanan di akseins.
Despues e kompania di servisio di mensaheria òf Pòsterei lo kobra bo e ABB i posibel akseins.