Douane Caribisch Nederland

Importashon, eksportashon i traspaso di bienes

E supervishon di Douane Caribisch Nederland ora di importashon, eksportashon i traspaso di bienes ta konsistí di dos parti. Esakinan ta:

• regulashon fiskal;
• regulashon no fiskal.

Regulashon fiskal

E regulashonnan fiskal tin di haber ku imposishon di impuesto. Ora importá merkansia na Hulanda Karibense pa uso òf konsumo, mester paga impuesto di importashon (link pa impuestonan di importashon), a ménos ku por duna dispensashon di pago di e impuestonan di importashon.

Douane Caribisch Nederland ora di importashon di merkansia (esaki por ta definitivo òf temporal) ta kontrolá si:

• ta hasi e deklarashon di duana rekerí;
• ta paga e suma korekto na impuesto di importashon ku debe;
• ku rason ta hasi un apelashon riba un dispensashon di impuesto di importashon;
• ta kumpli ku e kondishonnan mará na e dispensashon.

Ora trese merkansia na Hulanda Karibense pero nan no ta destiná pa usa òf konsumí aki, Duana Hulanda Karibense ta pèrkurá ku ta apliká e formalidatnan di depósito i tránsito korektamente.

E regulashonnan fiskal mas tantu ta basá riba e Douane- en accijnswet BES (Lei di Duana i akseins BES) i e Belastingwet BES (Lei di Impuesto BES).

E regulashonnan no fiskal (VGEM)

E regulashonnan no fiskal tambe ta forma un tereno di atenshon di Douane Caribisch Nederland. A base di e legislashon aki e importashon, eksportashon i traspaso di sierto merkansia ta prohibí òf suheto na regulashon spesial. E legislashon aki ta di importansha pa protegá sosiedat for di merkansia ku por menasá seguridat i salú di hende, animal i flora. Tur regulashon riba e tereno aki tin un sierto base. E base aki ta: sirbi Seguridat, Salubridat, Ekonomia, i Medio ambiente (VGEM) di Hulanda Karibense.

Mas informashon tokante e regulashonnan no fiskal bo ta haña riba e website aki na e parti ‘VGEM’.

E fabrikashon, depósito i despacho interior di merkansia suheto na akseins

E fabrikashon interior i poseshon di merkansia suheto na akseins na Hulanda Karibense ta suheto na regulashon. E meta aki ta pa tambe den interior yega na un imposishon korekto di akseins. E regulashon aki mas tantu ta inkorporá den e Douane- en accijnswet BES (Lei di Duana i akseins BES).

Douane Caribisch Nederland ta pèrkurá pa, fuera di e imposishon di akseins ora di importá merkansia, tambe kumpli ku regulashonnan ora di imposishon di akseins interior.