Mi debe impuesto wega di azar?

Ganador di premio

Ora bo gana un premio den un wega di azar abo, i no e organisador, mester paga e impuesto wega di azar. E ora ei bo mester paga impuesto wega di azar ora:

• Bo ta ganador di premio di wega di azar interior ku no ta wega di kasino i no ta kai bou di e Loterijwet BES (Lei di Loteria BES) (por ehèmpel Fundashon Wega di Number Boneiru)
• Bo ta ganador di premio di wega di azar eksterior (via internet)

Bo por pensa na e siguiente premionan:

• Premio di loteria den eksterior, por ehèmpel:

• Landsloterij (biyechi)
• Staatsloterij
• Wega di number Aruba, Kòrsou i/òf Sint Maarten
• Premionan online
• Weganan di azar interior via internet

• Otro kampaña i konkurso, por ehèmpel:

• Loteria i kampaña na unda por gana por ehèmpel outo, telefòn, plaka kèsh i fakansi
• Pustamentu

Organisador ta paga impuesto wega di azar

E ganador di premio ta e pagador di impuesto, pero e organisador di e wega di azar por retené e impuesto wega di azar riba e premio bruto, i ta paga e impuesto na Ofisina di Impuesto/CN.

E ta paga e ganador di premio e premio neto. E organisador tambe por  tuma e impuesto wega di azar na su enkargo. Esaki ta sosodé hopi bia ora e premio no ta konsistí di un suma di plaka, por ehèmpel un outo òf un biahe. E impuesto wega di azar ku e ganador di premio awor tampoko no ta paga e mes, e ora ei ta parti di e premio.

Ganador di premio den weganan di azar (via internet) den eksterior

Ora na e islanan BES bo gana un premio den un wega di azar eksterior ku bo ta hunga via internet den eksterior, por ehèmpel online òf den un kasino na por ehèmpel Las Vegas, bo mester paga impuesto wega di azar riba e premio na e islanan BES. Si den eksterior kaba bo ta paga un tipo di impuesto wega di azar riba e premio ku bo a gana, bo no tin nodi di bolbe paga impuesto wega di azar na e islanan BES, pero bo mester deklar’é sí. E ora ei bo ta prevení kobransa dòbel.