Impuesto wega di azar persona privá

Tin 2 tipo di wega di azar

• Wega serka kua ta determiná e ganadó di premio pa kasualidat.
  E partisipantenan den un wega asina no tin un influensha desisivo riba e resultado. Esun ku tin suerte ta gana. Ehèmpelnan di e weganan di azar aki ta loteria, bingo, pustamentu i wega di poker. Seguro di bida i prima di fiansa ta ekskluí.
• Konkurso
  Por ehèmpel resolvé un pùzel òf quiz di konosementu. No tin konkurso ora e partisipante hasi un prestashon sientífiko òf artístiko. Esei ta konta tambe ora e ganadó di premio hasi un prestashon serka kua e partisipashon ta sirbi interes general, por ehèmpel un plan pa drecha medioambiente.

Ora un grupo chikí di hende hunga un wega di azar huntu, no ta papia di un wega di azar pa impuesto riba wega di azar. No ta pèrmití otronan pa partisipá den e wega e ora ei. Den esaki bo mester pensa na un famia òf un grupo chikí di amigu.

Bo mester paga impuesto wega di azar ora bo ta ganador di premio di wega di azar interior ku no ta wega di kasino i no ta kai bou di e Loterijwet BES (Lei di Loteria BES) (por ehèmpel Fundashon Wega di Number Boneiru), ganador di premio di wega di azar eksterior (via internet) òf ta ganador di premio di otro kampaña i konkurso, por ehèmpel:

• Loteria i kampaña na unda por gana por ehèmpel outo, telefòn, plaka kèsh i fakansi
• Pustamentu

Wega di azar interior

Wega di azar ta interior ora personanan natural òf entidatnan establesé na e islanan BES organisá e wega di azar. Bou di entidatnan ta komprondé asosiashonnan i otro persona hurídiko, sosiedat, kompania i doelvermogen (seguro ku na final ta yega su máksimo).

Wega di azar eksterior

Weganan di azar ta eksterior ora no ta organisá e wega di azar na e islanan BES, òf pa un entidat ku no ta establesé na e islanan BES. Ehèmpelnan di wega di azar eksterior ta Landsloterij (biyechi), Staatsloterij, premio online etc.

Tarifa

E tarifa pa e impuesto wega di azar ta 10%.