E impuesto riba resultado tin komo meta pa imponé impuesto riba pago (di ganashi) di entidatnan na esnan ku tin derecho serka un entidat asina. Ku entidatnan ta referí na persona no natural, por ehèmpel un NV òf un fundashon.
Ta yama pagonan (di ganashi) resultadonan.
E entidat ta retené e impuesto riba resultado na e momentu ku ta pone un resultado na disposishon di un di esnan ku tin derecho. Despues e entidat ta transferí e impuesto pa Belastingdienst.
Obligashon di paga impuesto
Bo tin obligashon di paga impuesto riba resultado ora bo ta risibí pagonan (p.e. dividendo) di un entidat ku ta den poseshon di un pèrmit di establesimentu i kaminda bo ta doño di akshon òf bo tin derecho riba parti di e resultado. E entidat ku ta pone e resultado na disposishon tin e obligashon di retené e impuesto, hasi e deklarahson i transferí e impuesto.