FAQ Opbrengstbelasting (Impuesto riba Resultado)

Ofisina di Impuesto CN mester a risibí e deklarashon i e pago di opbrengstbelasting pa mas tardá 15 dia despues di kabamentu di e periodo den kua a paga e resultado. E periodo pa e opbrengstbelasting semper ta un kuartal kalendario. 

Por ehèmpel: ora a paga e resultado na yanüari 2024, mester a risibí e deklarashon i e pago pa mas tardá riba 15 di aprel 2024. 
 

Preferibel hasi e deklarashon via MijnCN. Tambe ta posibel pa entregá e aangifteformulier (formulario di deklarashon) na bali di bo ofisina di impuesto, òf pa e-mail esaki pa balie@belastingdienst-cn.nl.

Solamente mester entregá un deklarashon opbrengstbelasting na momentu ku den un kuartal a paga un rendimentu. Pues, no ta nesesario pa entregá deklarashonnan nulo opbrengstbelasting pa kuartal durante kua no a paga rendimentu.

Ora no entregá deklarashon, òf no entregá esaki denter di e periodo, por papia di un omishon di entrega. Den kaso di e promé omishon, no ta imponé un but, pero ta entregá un atvertensia. Den kaso di e di dos òf e siguiente omishon denter di un periodo di 24 luna despues di e omishon anterior, ta imponé un but di USD 100. 

Ora no risibí e pago, òf no risibí esaki denter di e periodo, por papia di un omishon di pago. Pa e omishon aki ta imponé un but di 5% di e impuesto ku no a paga, ku parsialmente no a paga, òf ku no a paga denter di e periodo. E but di omishon ta suma minimalmente USD 100 i maksimalmente USD 5.600. 

E impuesto ta suma 7,5% di e resultado. Dependiendo di e manera ku ta paga e resultado, bruto òf neto, e kalkulashon ta lo siguiente:

Neto

Ta retené e impuesto for di e resultado ku mester paga. E impuesto ta suma 7,5% di e resultado.

Bruto

E entidat ta enkargá ku e opbrengstbelasting. E impuesto ta suma 100/92,5 x 7,5% di e resultado.

Riba nos wepsait, bou di Impuesto riba distribushon di resultado i despues Tarifa opbrengstbelasting, bo ta haña un rekenvoorbeeld (ehèmpel di kalkulashon).

Atenshon: Pa resultadonan ku ta kalkulá te ku 31 di desèmber 2024 e impuesto ta suma 5% di e resultado.

Un entidat (ku eksepshon di fundashon i fondo ku ophetivo spesial establesé na Hulanda Karibense) mester tin un disposishon lugá di establesimentu òf un disposishon 50% pa kai bou di alkanse di e opbrengstbelasting.
Ora un entidat establesé na Hulanda Karibense no hasi un petishon pa un disposishon di lugá di establesimentu òf un disposishon di 50%, òf ora nenga e petishon, ta asumí ku e entidat ta establesé na Hulanda Oropeo. E ora ei, e entidat ta kai bou di e régimen di e impuesto riba kompania i posiblemente impuesto riba dividendo einan, i no tin e deber di retené impuesto pa e opbrengstbelasting na Hulanda Karibense.  

Esaki ta e fikshon lugá di establesimentu ku tin komo meta pa prevení ku ta hasi uso inkorekto di e sistema fiskal na Hulanda Karibense unda no ta imponé impuesto riba ganashi. 
 

Sí, un fundashon òf un fondo ku ophetivo spesial establesé na Hulanda Karibense semper ta kai bou di e régimen di opbrengstbelasting. No mester hasi petishon pa disposishon di lugá di establesimentu

Entidatnan establesé na Hulanda Karibense ku ta disponé di un disposishon for di kua ta resultá ku a atmití nan den un depósito di komèrsio i servisio manera deskribí den kapítulo V di e Douane- en Accijnswet BES (Lei di Duana i Akseins BES), semper ta kai bou di alkanse di opbrengstbelasting i no mester hasi petishon pa un disposishon di lugá di establesimentu.

E entidat ta bin na remarke pa un disposishon di lugá di establesimentu ora e ta establesé na Hulanda Karibense i ta kumpli ku un di e kondishonnan di artíkulo 5.2 insiso dos Belastingwet BES (Lei di Impuesto BES). 

Bo por haña e kondishonnan aki riba nos wepsait.
 

E entidat ta bin na remarke pa un disposishon 50% ora e ta establesé na Hulanda Karibense i pa por lo ménos 50% ta partisipá den un entidat atmití den un depósito di komèrsio i servisio manera deskribí den kapítulo V di e Douane- en Accijnswet BES (Lei di Duana i Akseins BES) òf den un entidat ku a risibí un disposishon di lugá di establesimentu, í e sobrá pertenensianan di e entidat ta kumpli ku artíkulo 5.2 insiso dos, parti b Belastingwet BES (Lei di Impuesto BES).

E disposishon 50% t’ei pa holding ku tin un interes di por lo ménos 50% di akshon den un entidat ku ta disponé di un disposishon di lugá di establesimentu.  
 

Unda un entidat ta establesé, ta evaluá sigun e sirkunstansianan. En general, por asumí ku e mando real di e entidat ta kai bou di e direktiva i ku e lugá di establesimentu di e entidat ta kuadra ku e lugá unda e direktiva aki ta ehersé su tarea ehekutivo. 

Esaki ta nifiká ku e lugá di establesimentu di e entidat, ku algun eksepshon, ta e lugá unda e mando real ta biba òf ta establesé.
 

Ora e entidat ta den poseshon di un disposishon 95%, i si entrante promé di yanüari 2024 ta kumpli ku e kondishonnan nobo pa un disposishon 50%, bo no mester tuma niun akshon.

E ora ei lo kambia e disposishon 95% hasié un disposishon 50%. E entidat no ta risibí un notifikashon apart tokante esaki.

Ora e entidat no ta kumpli ku e kondishonnan nobo ku a stipulá pa e disposishon 50%, e disposishon 95% lo kaduká entrante promé di yanüari 2024. Bo mes mester informá Ofisina di Impuesto CN tokante esaki na nòmber di e entidat.
 

Si bo ke anulá registrashon di e entidat pa opbrengstbelasting, bo mester disolvé i likidá e entidat promé. Pa anulá e registrashon serka Ofisina di Impuesto CN, bo mester hasi uso di het afmeldingsformulier (e formulario di anulashon) i añadí e siguiente informashon na dje komo anekso:

- publikashon di e desishon di disolushon den Staatscourant;

- un ekstrakto resien di Kámara di Komèrsio; i

- balansa di paro òf balansa di likidashon.

Bo por e-mail e formulario di anulashon ku e aneksonan pa balie@belastingdienst-cn.nl.