Disposishon di lugá di establesimentu

Un entidat ku efektivamente ta situá aki ta bini na remarke pa un disposishon di lugá di establesimentu si:

1. E entidat tin un sifra di benta anual máksimo di USD 80.000,- i e poseshonnan por lo general ta suma un máksimo di USD 200.000,- i e entidat no ta okupá su mes ku:

• servisio finansiero; 
• pagonan di royalty (parti den e resultado);
• aktividat di seguro i reaseguro;
• direktorado di sosiedatnan ku konforme estatuto òf en efektivo ta establesé na BES;
• servisio na interes di kompania di trust.

2. E poseshonnan di e entidat por lo general te ku un máksimo di 50% ta konsistí di:

• invershonnan;
• deelnemingen (partisipashon);
• likides;
• aktiva di kua e uso òf derecho di uso ta poné na disposishon di persona ku ta biba òf ta establesé pafó di BES;
• sobrá poseshonnan pa finansiamentu direkto òf indirekto di persona ku ta biba òf ta establesé pafó di BES.

3. E entidat ta duna trabou na tres òf mas persona ku ta biba na e islanan BES. E personanan aki ta full-time i den servisio permanente i ta okupá nan mes ku e aktividatnan rondó di e poseshonnan menshoná bou di 2. Kompetensianan i responsabilidatnan di e personanan aki ta kuadra ku e índole i e funshon di e aktividatnan ei. Tambe e entidat tin pa por lo ménos 24 luna un inmueble na su disposishon ku ta situá na un di e islanan BES, ku tin un balor di por lo ménos USD 50.000,-. E edifisio aki mester ta ekipá ku e fasilidatnan usual pa e aktividatnan ku e entidat situá na e islanan BES ta hasi.

Tambe a hasi un eksepshon pa:

• entidatnan ku a atmití den un depósito di komèrsio i servisio manera stipulá den Kapitulo V di e Douane- en Accijnswet BES (Lei di Duana i Akseins BES)

Entidatnan ku ta disponé di un disposishon di e inspektor den kua ta determiná ku e entidat ta tuma parti pa 95% (por ehèmpel ta doño di 95% di e akshonnan) den un entidat ku:

• a atmití den un depósito di komèrsio i servisio manera stipulá den Kapítulo V di e Douane- en Accijnswet BES (Lei di Duana i Akseins BES);
• ta den poseshon di un disposishon di lugá di establesimentu (asina yamá holding).

Atenshon! Entrante promé di yanüari 2024 lei ta kambia i ta anulá e desishon di 95%. Na su lugá ta introdusí un desishon nobo, e asina yamá desishon di 50%. Por apelá na e desishon akí den kaso ku e órgano ta partisipá pa 50% den un órgano ku ta:
 

• ta atmití den un depósito di komersio i servisio manera ta indiká den Kapítulo V di e lei di Douane i Accijns BES (Hoofdstuk V van de Douane- en Accijnswet BES);
• den poder di un pèrmit di establesimentu (asina yamá kompania holding).

Ademas mester kumpli ku e evaluashon di propiedat, manera ta menshoná bou di punto 2 (wak akiriba).

Ta bai anulá e desishon di 95%. Den kaso ku e órgano ta den posishon di un pèrmit por estilo, abo mes ta evaluá si e órgano ta kumpli ku e kondishonnan nobo pa un desishon di 50%.

Si e órgano ta disponé kaba di un desishon di 95% i den kaso ku entrante promé di yanüari 2024 e ta kumpli ku e kondishonnan nobo pa un desishon di 50%, no tin mester di tuma akshon. Ta kambia e desishon di 95% pa e desishon di 50%. Bo no ta risibí un mensahe apart tokante esaki.

Si akaso e órgano entrante promé di yanüari 2024 no ta kumpli ku e kondishonnan nobo, bo ta tuma kontakto e ora ei ku e Inspektor. Den kaso ku for di e evaluashon adishonal ta resultá ku e órgano no ta bini na konsiderashon pa un desishon di 50%, e órgano probablemente lo kai bou di e kapítulo di vennootschapsbelasting i di dividendbelasting na Hulanda Oropeo. Probablemente den tal kaso mester bini un suma di debe final di opbrengstbelasting.