Registrashon na ofisina di impuesto
Ora bo start un empresa, lanta un asosiashon òf fundashon òf ta bai ehersé un profeshon liber, bo por haña bo ku imposishon di diferente impuesto. Pa por determiná kua impuestonan bo mester paga, Ofisina di Impuesto mester di bo informashon.
Formulario pa empresa ku ta start
Ta importante pa bo entregá e formularionan pa empresa ku ta start mas pronto posibel na Ofisina di Impuesto. Si bo tin pregunta, bo por pidi Ofisina di Impuesto pa yuda bo ora di yena nan. Despues Ofisina di Impuesto ta disidí pa kua impuestonan ta hinka bo den e atministrashon.
Pa e medionan di impuesto pa kua bo ta debe impuesto, bo ta risibí formularionan di deklarashon outomátikamente.
Ora bo tuma personal den servisio: mèldu na Ofisina di Impuesto
Bo ta tuma personal den servisio ora di start bo empresa? E ora ei ku e formulario di empresario ku ta start mesora tambe bo ta registrá serka nos komo dunadó di trabou.
Bo ta tuma personal den servisio despues di un lapso di tempu? E ora ei bo ta mèldu bo mes serka nos komo dunadó di trabou promé ku bo tuma personal den servisio. E registrashon bo ta hasi ku e formulario ‘Registrashon dunadó di trabou’.