Empresa ku ta start

Kuminsá bo propio empresa ta algu bunita i fasinante! Tin hopi kos pa tene kuenta kuné. I por ta bo tin hopi pregunta. Tambe tokante por ehèmpel bo atministrashon (finansiero). Belastingdienst gustosamente lo yuda bo ku esei!

Manual pa empresa ku ta start

Pa e motibu ei nos a desaroyá e manual empresa ku ta start. Eiden bo ta haña tur kos ku abo komo empresario mester sa riba tereno di impuesto.

Riba nos website tambe por haña tur e informashon ku bo mester pa pone esaki bon riba pia mesora.

Tòg bo no ta sali afó kompletamente. E ora ei na e islanan tin profeshonalnan manera accountant, belastingadviseur (konsehero di impuesto) i konsultadó ku gustosamente lo sigui yuda bo! Google por ehèmpel ‘Belastingadviseur  (konsehero di impuesto) Boneiru’, i bo ta haña vários empresa ku ta ofresé sosten.

Atministrashon

Komo empresario ku ta start bo tin hopi kos di kòrda i na komienso tin pregunta ta surgi. Por ta bo no ta pensa mesora riba bo atministrashon i deklarashon di impuesto, pero ta netamente esakinan ta forma e base pa un komienso eksitoso. Bo tin obligashon di mantené un bon atministrashon i warda esaki shete aña.

Formulario pa empresa ku ta start

Belastingdienst, pero tambe Kámara di Komèrsio, por suministrá formulario pa empresario ku ta start. Despues ku bo a yena esakinan, Belastingdienst  por determiná kua medio di impuesto tin relevansia pa bo.

Aki bo ta haña e dokumentonan pa empresario ku ta start: