Importansha bon atministrashon
Ku un atministrashon bon mantené bo ta disponé lihé di e sifranan i resultadonan di bo empresa pa haña bista di bo gastunan, bo sifra di benta i bo ganashi. A base di esaki bo por reakshoná riba desaroyonan i posiblemente ahustá bo aktividatnan.
Pa yena bo deklarashonnan di impuesto
Bo atministrashon ta forma e base di bo deklarashonnan di impuesto. Mester por kontrolá esakinan lihé i bon. Si bo atministrashon no ta kompleto i no por kontrol’é denter di un término rasonabel òf ora bo no ta warda bo atministrashon basta largu, esei por tin konsekuensha fèrfelu. E ora ei nos mes lo fiha bo sifra di benta i ganashi i kalkulá e impuesto ku debe. Si bo no ta di akuerdo ku e kalkulashon ei, bo mes lo mester proba ku e kalkulashon ta inkorekto. Esaki yama ‘omkering van bewijslast’.
Si bo no tin bistanan general kla di bo kompra- i bentanan, bo no por yena bo deklarashon pa ABB. I sin un bon atministrashon bo no por reklamá areglo benefisioso, manera e ‘dispensashon di paga impuesto’ pa e ABB.
Importante!
Regularmente hasi kalkulashon riba papel pa kontrolá si bo atministrashon ta kuadra ku bo deklarashonnan di impuesto i e kuenta anual. Warda e kalkulashonnan (den klat) huntu ku bo atministrashon. Nos lo pidi bo pa eseinan.