Ora di importashon, eksportashon i tránsito di merkansia na Hulanda Karibense mester kumpli ku formalidatnan di duana, manera formalidatnan di klar en i despacho i entrega di deklarashon di duana. Pa por kumpli ku e formalidatnan aki, e aplikashon Asycuda World ta disponibel serka Duana Hulanda Karibense.
Asycuda World ta un programa pa deklarashon ku ta alkansabel via Internet. Asina, for di bo ofisina òf kas bo por kumpli ku e formalidatnan di klar en i formalidatnan di deklarashon rekerí. Ku e aplikashon ta posibel pa, por ehèmpel huntu ku un deklarashon di duana, manda failnan apart pa Duana, manera un faktura òf un karta di karga den pdf. Tambe e aplikashon ta ofresé e posibilidat pa interkambio di notifikashon.
E uso di Asycuda World ta gratis. Klaro ku pa bo sí ta konta e gastunan usual di bo konekshon riba internet.
Kua ta e kondishonnan aplikabel pa por hasi uso di Asycuda?
Pa por hasi uso di Asycuda World, bo mester registrá bo mes serka Duana Hulanda Karibense, tim Servisio na Kliente. Pa nan informashon di kontakto, wak riba nos página di kontakto.
Riba e formulario ku kua bo ta entregá e petishon pa registrashon, tambe bo ta haña e eksigensianan tékniko i kondishonnan general ku ta aplikabel ora hasi uso di Asycuda World. Download i prent e Formulario di outorisashon Asycuda World aki.
Pa por hasi uso di e aplikashon, Java mester ta instalá riba bo kòmpiuter. Bo por download e software aki riba e website di Java.
Instalashon di Asycuda
Aki bou bo ta haña un lenk ku ta referí na e programa pa start Asycuda World.
Klek aki pa download e programa pa start Asycuda World
Kua formalidatnan di duana na e momentu aki mi por yena aplikando Asycuda World?
- e formalidatnan di klar en (aplikashon módulo ‘manifest’)
- entrega di e siguiente deklarashonnan di duana (aplikashon módulo ‘declarations’):
- importashon.
Kiko aplikashon di Asycuda World ta nifiká pa mi komo importador, transportista di duana, representante di duana, òf empresario ora di entrega di por ehèmpel un deklarashon di duana?
Pa hasi un deklarashon di duana bo ta haña e lay-out kompleto di un Enig document (Dokumento so, vershon Union Oropeo) riba bo pantaya di kòmpiuter. Bo ta yena e fèltnan di e formulario di deklarashon aki, manera bo ta hasi tambe ora di un deklarashon por eskrito. Bo ta aneksá e aneksonan (espesialmente failnan den pdf òf jpeg) na bo deklarashon i ta mand’é elektrónikamente pa Duana.
Un ehèmpel:
Bo ke importá merkansia i pa motibu di e importashon aki mester paga impuesto general di konsumo (ABB). Bo ta disponé di un fasilidat areglo krédito mensual. For di bo ofisina bo ta entregá bo deklarashon di importashon serka Duana Hulanda Karibense. Ta pone e dokumentonan ku ta pertenesé huntu ku e karga serka e deklarashon elektróniko. E koló di selekshon ta bèrdè; esei ta duna di konosé ku no tin un evaluashon di kontenido di e deklarashon ta tuma lugá. Komo ku e ABB ku debe por kita for di bo krédito mensual, denter di algun minüt bo ta risibí un notifikashon ku kua ta despachá e merkansia.
Mi ta hasi uso di Asycuda World. Mi no tin nodi di bin ofisina di duana mas e ora ei?
Duana Hulanda Karibense tin komo tarea pa pèrkurá ku ta kumpli ku tur formalidatnan di duana korektamente i por kompleto. Ora a selektá un klar en òf deklarashon di duana pa kòntròl di e dokumentonan (p.e. faktura òf karta di karga), na promé instansha esei lo tuma lugá mas tantu posibel basá riba e failnan ku a manda huntu kuné (den p.e. tamaño pdf òf jpeg). Tòg tambe sa pasa ku en konekshon ku un kòntròl Duana ke risibí e dokumentonan original. E ora ei lo bo mester mustra e dokumentonan aki na Duana. Klaro ku bo ta haña un notifikashon tokante esaki di Duana. E notifikashon aki lo manda pa bo via Asycuda World.
Klaro ku via Asycuda World bo ta haña notifikashon tambe ora Duana ke wak e merkansia ku a deklará.
Mi mester hasi uso di Asycuda World?
Hasimentu di e prosedura di klar en i despacho i entrega di deklarashon di duana elektrónikamente, ta nifiká ku ta traha hopi mas efisiente, tantu pa komèrsio komo Duana. E meta ta pa prevení mas tantu posibel ku bo mester bai un lokèt físiko di duana. P’esei Duana Hulanda Karibense enfátikamente ta invertí den uso di Asycuda World.
Den e Douane en accijnswet BES (Lei di Duana i akseins BES), ademas a stipulá ku ta entregá deklarashon di duana elektrónikamente. Pues ora por entregá deklarashon pa sierto destinashon di duana elektrónikamente pa medio di Asycuda World, lo bo mester hasi uso di esaki. Solamente den situashon spesial por desviá di e regla general ku ta entregá un deklarashon elektrónikamente. Ehèmpelnan di desviashonnan ku ta pèrmití ta:
- e deklarashon verbal pa merkansia (komersial) ku un biahero tin kuné;
- e deklarashon simplifiká ku kua entrega di un faktura òf dokumento komersial ta remplasá e deklarashon elektróniko por kompleto òf parsialmente;
- uso di e formulario Enig document (Dokumento so, deklarashon por eskrito) òf otro dokumento indiká pa e inspektor di Duana Hulanda Karibense komo prosedura di emergensia, ora komo resultado di un fayo tékniko e sistema di outomatisashon no ta funshoná pa un tempu mas largu.
Bo ke sa mas tokante Asycuda World?
Bo tin pregunta tokante aplikashon di Asycuda World òf bo ta deseá mas informashon tokante registrashon pa un entrenamentu di Asycuda? Tuma kontakto ku Duana Hulanda Karibense e ora ei, tim Servisio na kliente òf ku e persona di kontakto pa Asycuda World. Pa nan informashon di kontakto, wak riba nos página di kontakto.