Opheshon i apelashon impuesto di inmueble
Bo por oponé un disposishon. Mester entregá e karta di opheshon denter di dos luna despues di e fecha riba e disposishon. Den e karta di opheshon bo ta indiká e motibunan dikon bo no ta di akuerdo ku e disposishon aki.
Si e opheshon ta dirigí riba e balor determiná, bo ta indiká dikon bo ta haña ku e balor determiná no ta korekto i kiko segun abo lo mester ta e balor korekto. Si bo ta disponé di un informe di taksashon resien, bo por manda esaki tambe komo prueba. Si a kaba di bende òf kumpra e opheto, bo por aneksá e akta di kompra/benta na bo karta di opheshon. Por oponé tambe si riba e fecha di determinashon bo no tin derecho (mas) riba e inmueble. Ademas por oponé ora bo ta di opinion ku un dispensashon ta aplikabel. Den e karta di opheshon semper bo ta menshoná bo nòmber, adrès, number di CRIB, e karakterístika di e disposishon i e datonan di e opheto, siendo e adrès i e datonan di kadaster.
Apelashon
Despues tambe bo por apelá un disposishon. Si bo opheshon no ta atmisibel, bo por apelá e deklarashon ku e no ta atmisibel. Pa mas tardá entregá bo karta di apelashon denter di dos luna despues di e fecha di e disposishon.