Hasi deklarashon retenshon riba suèldo

Término di deklarashon i pago

E término riba kua deklarashon i pago mester tuma lugá por varia. Esei por ta un luna kalendario, un kuartal kalendario, mitar aña òf un aña.

Término

E término riba kua mester paga e impuesto riba suèldo di un empleado ku ta traha komo personal doméstiko: un mitar aña kalendario. Bou di personal doméstiko ta komprondé: e empleado ku, na benefisio di e persona natural serka ken e ta den servisio, ta duna únikamente òf kasi únikamente servisio kasero òf personal den su maneho di kas. E término riba kua mester paga e impuesto riba suèldo pa loke ta trata suèldo di un artista òf deportista na e nivel mas haltu: un luna kalendario.
E inspektor por determiná ku e término riba kua mester paga impuesto riba suèldo ta un luna kalendario pa loke ta trata: 

• un persona ku deber di retené impuesto riba suèldo ku pa kuartal mester paga mas ku USD 30.000 na impuesto riba suèldo;
• un persona ku deber pa retené impuesto riba suèldo ku pa un sierto temporada no a paga e impuesto riba suèldo na ora;
• un persona ku deber pa retené impuesto riba suèldo ku ta pidi p’esei.

Deklará pa kuartal pero hasi pago mensual

Si komo hende ku ta deklará pa kuartal, bo ke hasi pago mensual tòg, esaki tambe ta posibel. Den tur kaso semper bo mester usa e karakterístika di pago di e deklarashon en kestion ora di paga. E karakterístika di pago ta imprentá adelantá riba e formulario di deklarashon. Karakterístikanan di pago ta úniko pa kada deklarashon, nan ta konsistí di number di crib, medio di impuesto, aña di impuesto, término (luna òf kuartal òf aña) i un number ku ta sigui (volgnummer). Ora usa e karakterístika di pago ta prevení ku ta buk e pago robes.

Obligashon pa hasi deklarashon na ora

Ora bo risibí un formulario di deklarashon bo tin e obligashon pa yena esaki i entreg’é serka nos na ora. Esaki ta konta tambe ora bo ta di opinion ku bo no tin e deber di retené impuesto pa e impuesto riba suèldo. Den un kaso asina bo ta mèldu esaki por eskrito ku e fecha eksakto for di kua bo no tin obligashon di retené impuesto mas.

Papel di impuesto ku ta bini despues (naheffingsaanslag) ora falta un deklarashon òf ora di deklarashon òf pago lat

Ora no a paga e retenshon riba suèldo òf no na ora ku deklarashon, por imponé un papel di impuesto ku ta bini despues (naheffingsaanslag), inklusive un but. Un pago ta na ora si entreg’é i pag’é pa mas tardá promé ku dia 15 di fin di e periodo di deklarashon. Bo mes ta responsabel pa paga na ora. Ta traha riba pagonan despues di ora di ofisina komo pagonan di e siguiente dia di trabou.

E obligashon di deklarashon ta konsistí di 2 aktividat. Entregá e deklarashon i paga e deklarashon. Por mira e último fecha pa entregá i paga (=semper meskos) riba e invitashon ku bo ta risibí via pòst.

Unda mi mester ta?

Manera a splika den e párafo di introdukshon, Ofisina di Impuesto ta imponé i kobra e impuesto riba suèldo i tur prima. Pues tambe e primanan ZV, OV i Sesantia.

Si bo tin pregunta tokante pagonan a base di e ZV, e OV òf e Sesantia bo mester mèldu bo mes na e RCN-unit Sociale Zaken en Werkgelegenheid (unidat RCN Asuntunan Sosial i Empleo).

Pa pregunta tokante previshon i pago a base di e seguro di kuido bo mester mèldu bo mes na e Zorgverzekeringskantoor BES (Ofisina di seguro di kuido BES).

Deklarashon retenshon riba suèldo online

E Ofisina di Impuesto Hulanda Karibense awor ta ofresé bo e posibilidat pa entregá bo deklarashonnan retenshon riba suèldo online. Esaki ta nifiká ku bo por entregá bo deklarashon elektrónikamente via MijnCN. Ora bo hasi deklarashon online no ta nesesario pa bini Ofisina di Impuesto pa tuma un stèmpel komo prueba di entrega. Ku esei bo ta prevení iritashon rondó di parker.

Aki bo ta lesa mas tokante deklarashon retenshon riba suèldo online.