Deklarashon online retenshon riba suèldo
E Ofisina di Impuesto Hulanda Karibense awor ta ofresé bo e posibilidat pa entregá bo deklarashonnan retenshon riba suèldo online. Esaki ta nifiká ku bo por entregá bo deklarashon elektrónikamente via MijnCN.
Kon e ta traha?
A splika tur kos riba e website di MijnCN. For di trahamentu di un account te ku outorisashon di un hende. Den diferente imágenan ta kubri e diferente pasonan.
Bo tin otro pregunta tokante e deklarashon online retenshon riba suèldo?
Bo pregunta no ta den e preguntanan hopi hasí i no a kontest’é den e videonan di instrukshon? E ora ei bo por manda un e-mail na e helpdesk di MijnCN dia www.mijncn.nl/helpdesk.
E helpdesk na Boneiru banda di esei ta alkansabel via telefòn di djaluna te ku djaweps di 8 or pa 12 or di mainta i di 2 or te ku 4 or di mèrdia i riba djabièrnè di 8 or te ku 12 or di mainta. E helpdesk ta alkansabel na +599 715-8545.
Ku e portalnan di deklarashon online aki, nos ta konfia ku nos ta optimalisá e fasilidat di uso i nos servisio.