A ménos ku tin un akuerdo di salario neto, lo bo mester retené e impuesto riba e nominá di salario di e trahadó. Abo mester paga e prima nan di doño di trabou i bo no por rekuperá esakinan di e trahadó. Bo mester presentá periódikamente un deklarashon pa e montantenan retené dor di abo i di kua bo debe.
Belastingdienst ta responsabel pa rekoudá i kobra e primanan di seguro sosial, e primanan di seguro di trahadó i primanan di seguro di kuido médiko. E suministrashon di un pago bou di e seguro aki ta responsabilidat di Asuntunan Sosial i Empleo (SZW) i Kuido i Hubentut Hulanda Karibense (ZJCN).
Retenshonnan riba suèldo
Impuesto riba suèldo, primanan AOV/AWW i parti di empleado i parti di dunadó di trabou di prima seguro di kuido i e primanan seguro di empleado.
Retenshon riba suèldo
E suma total ku e empleado debe na impuesto di suèldo, primanan AOV/AWW i parti di empleado prima seguro di kuido.
Primanan dunadó di trabou
E primanan ku e dunadó di trabou debe pa e seguronan di empleado i e parti di dunadó di trabou den e prima seguro di kuido.
Seguronan di empleado
E Lei di Seguro di malesa i aksidente (ziekte- en ongevallenverzekeringwet BES) i e Lei di Sesantia BES (Cessantiawet BES).