Un partisipante outorisá riba merkado ta un partner konfiabel den e logístika di merkansia. Duana por duna e persona aki privilegio spesial ku ta duna un aporte pa un fluho di merkansia (mas) lihé.
E diferensia entre partisipante outorisá riba merkado i un AEO
No tin diferensia. Na Union Oropeo ta indiká e státus di partisipante outorisá riba merkado komo Authorized Economic Operator (AEO). E státus aki ta un desaroyo mundial entamá pa e Wereld Douane Organisatie (WDO, Organisashon Mundial di Duana), ku komo meta: kreashon di kadena seif di merkansia for di e punto kaminda ta manda e merkansia te ku e punto kaminda ta entregá e merkansia.
Tipo di pèrmit
E státus di partisipante outorisá riba merkado ta konsistí di tres tipo di pèrmit:
- Partisipante outorisá riba merkado simplifikashon duana;
- Partisipante outorisá riba merkado seguridat;
- Partisipante outorisá riba merkado simplifikashon duana í seguridat
Tin e desaroyo aki na Hulanda Karibense tambe?
Duana Hulanda Karibense gustosamente ke kontribuí na desaroyo riba tereno di partisipashon outorisá riba merkado. Sin embargo, aktualmente su atenshon por lo pronto ta dirigí riba fasilitá entre otro simplifikashonnan standart duana.
Si bo por ta di opinion ku e státus di partisipashon outorisá riba merkado lo yuda bo kompania ora di eksportashon di merkansia por ehèmpel, tuma kontakto e ora ei ku Duana Hulanda Karibense, departamentu di Servisio na Kliente. Pa e informashon wak bou di kontakto.