Ki ora mi merkansia ta haña e státus orígen LGO òf APS?

Bo merkansia por haña e státus orígen LGO òf APS ora ta kumpli ku e reglanan di orígen korespondiente ku e areglonan ei. Tin bia ta fásil pa determiná si bo merkansia ta kumpli ku e reglanan, por ehèmpel ora nan ta kompletamente produsí riba un di e islanan. 

Tin bia ta mas difísil pa determiná, por ehèmpel ora a importá merkansia for di pafó di e islanan i despues pasa nan den un adaptashon òf prosesamentu. Semper lo bo mester por proba ku bo ta hasi un apelashon ku rason riba un asina yamá konseshon orígen.