Den kua kaso mi por entregá un karta di opheshon serka Duana?

Bo por entregá un karta di opheshon den un di e siguiente situashonnan:

• e repartishon di merkansia den e lista di nòmber di merkansia (e sistema harmonisá); aklarashon: por lo general esaki ta tokante e menshon di e kódigo di merkansia den un deklarashon.
• e kalkulashon di un suma na derecho di impuesto, impuesto general di konsumo (ABB), akseins, butnan atministrativo, gastunan i interes; aklarashon: hopi bia esaki ta tokante un obligashon pa pago ku ta originá den un deklarashon, pero e por ta un pago riba su mes tambe, manera ora di gastu.
• un disposishon basá riba e Douane en accijnswet BES (DABES) (Lei di Duana i akseins BES). Aklarashon: esaki ta tokante un desishon ku den e DABES ta yama disposishon.

No kada desishon di e Duana (e inspektor) den e DABES sa yama un disposishon. Tòg bo por entregá un karta di opheshon kontra práktikamente kada desishon di e inspektor. Ta asina ku den e DABES ta stipulá ku e inspektor ta saka un disposishon denter di nuebe luna despues di risibí un petishon por eskrito.