Duana Hulanda Karibense diariamente ta tuma desishonnan tokante abo komo pagadó di impuesto òf interesado (stakeholder).
Algun ehèmpel:
- Bo ta hasi un deklarashon pa importahson i mester paga ABB. Duana ta kontrolá bo deklarashon i ta determiná kua montante bo mester paga na algemene bestedingsbelasting (ABB, impuesto general riba konsumo) i/òf akseins.
- Komo empresa bo ke establesé un depósito di duana i ta entregá un petishon por eskrito pa esaki serka e inspektor di Duana Hulanda Karibense. E inspektor ta tuma un desishon riba e petishon aki.
Duana Hulanda Karibense (e inspektor) ta tuma un desishon i lo motivá esaki, espesialmente ora di un rechaso òf un desishon kontrali.
Den hopi situashon lei ta yama un desishon di e inspektor un disposishon.
Klaro ku por ta bo no ta di akuerdo ku e desishon ei ora di un rechaso òf un desishon kontrali, no opstante e motivashon. Den e kaso ei bo por entregá un karta di apelashon. E ora ei e inspektor lo bolbe evaluá e kuestion, teniendo kuenta ku e argumentonan ku bo a skibi den bo karta di apelashon. Despues e inspektor ta duna un disposishon.
Pa ku bo apelashon, e disposishon lo enserá
- ku sea ta asign’é;
- òf asign’é parsialmente;
- òf ta rechas’é.
Ta kontestá pregunta hopi hasí na 'Pregunta i kontesta'