Den kua kaso mi por entregá un karta di opheshon?

Si bo no ta di akuerdo, bo por entregá un karta di opheshon den un di e siguiente situashonnan:

  • Un papel di impuesto. Bou di esaki ta kai e.o. e papel di impuesto definitivo (definitieve aanslag), e papel di impuesto adishonal (navorderingsaanslag), i e papel di impuesto ku ta bini despues (naheffingsaanslag). 
  • Un desishon di e inspektor tumá den forma di un disposishon suseptibel pa opheshon sigun e Belastingwet BES (Lei di Impuesto BES). Aklarashon: aki ta trata di un desishon ku den e Lei di Impuesto BES ta denominá komo disposishon;
  • Un suma ku a paga komo impuesto despues di un deklarashon di impuesto;
  • Un suma ku a transferí komo impuesto despues di un deklarashon di impuesto i;
  • Un suma ku esun ku e deber di retené impuesto a retené impuesto riba suèldo, impuesto riba resultado òf impuesto di wega di azar.