Opheshon i apelashon Belastingdienst

Belastingdienst Caribisch Nederland diariamente ta tuma desishonnan tokante abo komo pagadó di impuesto òf interesado (stakeholder).

Un ehèmpel:

  • Bo ta doño di un di dos kas i bo mester paga impuesto di propiedat. Bo por oponé un disposishon tokante balor di bo bibienda. Mester entregá e karta di opheshon denter di dos luna despues di fecha di e disposishon. Den e karta di opheshon bo ta indiká ku argumento dikon bo no ta di akuerdo ku e disposishon aki*.

Belastingdienst Caribisch Nederland (e inspektor) ta tuma un desishon i lo motiva esaki, espesialmente ora di un rechaso òf un desishon kontrali.

Klaro ku por ta bo no ta di akuerdo ku e desishon ora di un rechaso òf un desishon kontrali, no opstante e motivashon. Den e kaso ei bo por entregá un karta di apelashon serka Korte den Promé Instansia. E ora ei e hues lo bolbe evaluá e kuestion, teniendo kuenta ku e argumentonan ku bo a skibi den bo karta di apelashon. Despues ta dikta un sentensia.

*Den hopi situashon den lei ta yama e desishon di e inspektor un disposishon.