Gastu

E gastunan di e medidanan di kobransa, manera manda un aanmaning òf un dwangbevel i beslag riba – i benta di bo pertenensianan, ta kore riba bo kuenta.

Kalkulashon

Ta kalkulá e gastunan aki di e siguiente manera. Pa:

  • notifikashon di un karta di dùrwarder ku órden pa paga: USD 40, oumentá ku USD 3 pa kada suma henter di USD 50 ku kua e suma pa paga ta subi USD 50, ku un máksimo di USD 9333;
  • manera lei ta demandá, hasi un otro notifikashon di dùrwarder: USD 40;
  • ora e dùrwaarder ku tin ku ehersé un dwangschrift duna resibu ora di pago pa prevení beslag riba bienes móbil: USD 20;
  • ora di firma pa »akuerdo» manera lei ta demandá riba un notifikashon òf un otro dokumento: USD 4;
  • pega un notifikashon: USD 4;
  • anunsio di un notifikashon ku a saka den un korant: USD 4;
  • manda un aanmaning pa paga: USD 8.

Kiko bo mester paga ora bo risibí un aanmaning?

Nos ta kobra gastu pa un aanmaning. E gastunan aki ta suma USD 8. Pues, fuera di e debe di impuesto i e interes di kobransa, bo ta paga gastu pa aanmaning tambe.

Kon i ki ora bo por paga despues di risibí un aanmaning?

Bo mester sòru ku bo pago ta riba nos kuenta denter di dos siman despues di e fecha riba e aanmaning. Bo por paga via banko. E datonan di banko bo ta haña aki riba e website.

For di sèptèmber 2018 tambe por paga bo papel(nan) di impuesto kèsh serka FDXC sin gastu. 

Bo no ta di akuerdo ku e gastunan di e aanmaning

Ora bo no ta di akuerdo ku e gastunan di e aanmaning, por ehèmpel pasobra bo pago a sosodé na mes momentu ku e aanmaning. E ora ei nos ta konsehá bo pa tuma kontakto ku Ofisina di Impuesto mas pronto posibel, departamentu di kobransa 715-8585.

Dwangbevel

Si despues di e aanmaning tampoko bo no paga e impuesto, ta notifika bo di un dwangbevel. Dùrwarder di impuesto ta notifiká bo di esaki en persona òf na bo kas. Un dwangbevel ku notifikashon ta duna Ofisina di Impuesto e derecho pa pone beslag riba bo pertenensianan. Pa esaki tambe ta kobra gastunan.

Kiko bo mester paga ora bo risibí un dwangbevel?

Pa un dwangbevel tambe ta kobra gastu. Esakinan ta bini riba e debe di impuesto, e interes di kobransa i e gastunan di e aanmaning.

Bo no ta di akuerdo ku e gastunan di e dwangbevel

Si bo no ta di akuerdo ku e gastunan di e dwangbevel, nos ta konsehá bo pa tuma kontakto mas pronto posibel ku Ofisina di Impuesto, departamentu di kobransa 715-8585.