Bienes di mudansa a yega

Por pasa ku bo bienes di mudansa a yega pero bo lugá di estadia normal ainda no ta konfirmá pa un prueba di registrashon na e departamento asuntunan sivil di e teritorio insular na unda bo a muda bai.

Si tòg bo ke disponé di bo bienes di mudansa bo por entregá un deklarashon pa importashon pero nan lo eksigí un bòrg (un suma) pa posibel impuesto di importashon ku debe. Ora mas lat bo ta disponé di e prueba di registrashon bo por bai ku e prueba aki, entregá un petishon por eskrito serka Duana pa haña e bòrg bèk (restitushon). Den e petishon bo ta referí na e number i e fecha di e deklarashon pa importashon.

Si e outoridatnan nenga di kambia bo lugá di estadia normal pa Hulanda Karibense nan lo kobra e bòrg komo impuesto ku debe pa importashon di bienes (di mudansa).