E transportista di duana
E transportista di duana ta un persona ku por representá un otro persona di diferente forma ora di hasi deklarashon.
Representá direktamente òf indirektamente
E representashon por ta direkto òf indirekto.
- representashon direkto; den e situashon aki e representante ta aktua na nòmber i pa kuenta di un otro persona;
- representashon indirekto; den e situashon aki e representante ta aktua na su mes nòmber pero pa kuenta di un otro persona.
Un transportista di duana ta biba sea na Boneiru, Saba, òf na Sint Eustatius, òf ta establesé einan. E mester deklará na e inspektor ku e ta aktua pa kuenta di e persona representá, i indiká si esaki ta trata di representashon direkto òf indirekto. Komo regla ta skibi e splikashon aki riba e deklarashon.
E transportista di duana no tin derecho spesial pa loke ta trata e persona ku e ta representá si dado kaso esaki bati bankarota.