Papel di impuesto i opheshon impuesto riba resultado
Den kaso ku bo no hasi deklarashon i no transferí e impuesto ku debe (na ora) por imponé un naheffingsaanslag (papel di impuesto ku ta bini despues) ku un but. Si bo no ta di akuerdo ku e papel di impuesto bo por entregá un opheshon motivá na Ofisina di Impuesto Hulanda Karibense denter di dos luna despues di e fecha riba e papel di impuesto.
Opheshon motivá
Bo mester entregá e nota aki na e persona ku tin derecho riba e resultado asina ku a paga, kreditá, deskontá òf emití e resultado. Bo mester warda un kopia di e nota aki den bo atministrashon den órden di number di serie i number siguí pa un término di 5 aña.
Disposishon lugá di establesimentu (vestigingsplaatsbeschikking)
Entidatnan por pidi un disposishon lugá di establesimentu serka e inspektor, den kua esaki ta deklará ku e entidat ta establesé na e islanan BES. Entidatnan ku ta disponé di un disposishon lugá di establesimentu (vestigingsplaatsbeschikking) asina ta kai bou di e efekto di impuesto riba resultado.
Disposishon 95%
Entidatnan por bini na remarke pa un disposishon 95% si e entidat ta partisipá pa 95% den un entidat ku
- a atmití den un depósito di komèrsio i servisio manera referí den kapitulo V di e Douane- en Accijnswet BES (Lei di Duana i Akseins BES), òf
- ta disponé di un disposishon lugá di establesimentu (e asina yamá holdingnan)
A base di artíkulo 5.10 insiso 1 Belastingwet BES (Lei di Impuesto BES), entidatnan suheto na e impuesto riba resultado tin e obligashon pa entregá nan kuenta anual inkluso aneksonan denter di nuebe luna despues di fin di e aña ekonómiko.
A base di artíkulo 5.10 insiso 4 Belastingwet BES (Lei di Impuesto BES) e inspektor bou di kondishonnan ku e ta stipulá por duna suspenshon pa entrega di e kuenta anual inkluso aneksonan.
Petishon Suspenshon Kuenta Anual
Pa hasi un petishon pa suspenshon di entrega di un kuenta anual, por hasi uso di e petishon suspenshon kuenta anual aki riba.