Notifikashon (promé ku yegada)

Pa e notifikashon akí ta apliká e siguiente términonan:

• barku: por lo ménos 24 ora promé ku e ora di yegada premirá;
• avion: por lo ménos 12 ora promé ku e ora di yegada premirá.

Si e tempu di nabegashon òf buelo ta mas kòrtiku, ta hasi e notifikashon pa mas tardá na momentu ku sali pa e haf òf aeropuerto di e isla di Hulanda Karibense konserní.

Kua informashon e notifikashon mester kontené?

• nòmber di e medio di transporte i e pais di registrashon;
• e kantidat di tripulashon;
• un deskripshon di e flete: via di un karta di karga un lista di marka i number di e merkansia, e kantidat i sorto di e empake, un deskripshon di e merkansia i, si ta disponibel, e kódigo di e sistema harmonisá, i tambe e peso bruto;
• e último haf/aeropuerto di salida;
• e ora di yegada premirá di e medio di transporte den e haf òf aeropuerto i e merkansia ku a transportá;
• e lugá di yegada riba un di e islanan akí.

E datonan aki ta korespondé na e datonan indiká den e asina yama IMO FAL Form 1 i 2 (nabegashon) i Annex 9 ICAO (aviashon).

Kon mi mester hasi e notifikashon?

Mester entrega e notifikashon di forma digital serka duana (wak pa e datonan bou di kontakto).

Mayoria biaha ora trese merkansia por papia di servisionan regular i tin palabrashonnan fiho ku Duana tokante e entrega di notifikashon. Un manera simpel pa hasi e notifikashon promé ku yegada ta pa hasi uzo di e aplikashon Asycuda World di duana.

Kada barku òf avion mester hasi un notifikashon?

Nò, e siguiente barku- i avionnan no mester hasi notifikashon*:

• barkunan di guera i avionnan militar;
• Botonan di piskadó ku regresá di piskamentu i tin un identifikashon Hulanda Karibense di e haf na unda nan ta pertenesé;
• Toubotnan ku ta registrá riba e isla Hulanda Karibense di yegada;
• Barkunan ku ta duna servisio di lots;
• Botonan di reskate;
• Barku- i avionnan di Wardakosta di Aruba, Kòrsou i Sint Maarten i tambe di e entidatnan públiko Boneiru, Sint Eustatius i Saba.

*Paga tinu! E eksonerashon di notifikashon no ta konta pa e barku- i avionnan ariba menshoná si:

• pa e barku, avion òf merkansia na bordo mester paga belasting ora di importashon;
• Tin prohibishon òf limitashon aplikabel pa e barku, avion òf merkansia na bordo;
• Segun lei sierto formalidat ta rekerí pa haña eksonerashon fiskal na momentu ku importá;
• Segun lei sierto formalidat ta rekerí pa asigná sierto destinashon di duana pa e barku, avion òf merkansia na bordo;
• No ta hasi uzo di e barku òf avion di akuerdo ku su meta.