Notifikashon promé ku yegada

Ora un barku òf avion ke pasa un haf/aeropuerto di Boneiru, Saba, Sint Eustatius, e kapitan òf komandante lo mester mèldu esaki na Duana basta tempu promé ku yegada.

E siguiente términonan ta konta ora di e notifikashon aki:

  • barku: por lo ménos 4 ora promé ku e tempu di yegada sperá;
  • avion: por lo ménos 2 ora promé ku e tempu di yegada sperá.

Si e tempu di nabegá òf bula ta mas kòrtiku, ta hasi e notifikashon pa mas tardá na e momentu di salida pa e haf òf aeropuerto di e isla en kestion.

Kua informashon mi mester duna na Duana ora di notifikashon promé ku yegada?

Ora di e notifikashon promé ku yegada en todo kaso bo ta mèldu:

  • e nòmber di e barku/avion i e pais di registrashon;
  • e kantidat di tripulante;
  • un deskripshon di e karga (nòmbernan general komersial ta sufisiente);
  • e último haf/aeropuerton di salida;
  • e ora ku ta spera di yega na Boneiru, Saba, òf Sint Eustatius;
  • e lugá di yegada na un di e islanan aki.

Na unda mi mester hasi e notifikashon promé ku yegada i di ki manera?

Na Boneiru bo ta hasi e notifikashon promé ku yegada na e ofisina di duana (haf òf aeropuerto) di e departamentu Supervishon Físiko (pa e datonan wak bou di Kontakto); na Saba i Sint Eustatius bo ta hasi e notifikashon promé ku yegada na e ofisina di duana lokal (pa e datonan wak bou di kontakto).

Mayoria di biaha ora di transporte di merkansia ta papia di servisio di linia regular i akuerdonan fiho ku Duana tokante hasimentu di e notifikashon promé ku yegada. Un manera simpel pa hasi e notifikashon promé ku yegada ta di hasi uso di e aplikashon di duana Asycuda World.

Kada barku òf avion mester hasi un notifikashon promé ku yegada?

Nò, e siguiente barkunan i avionnan no mester hasi un notifikashon promé ku yegada:

  • barku di guera i avion militar;
  • boto di rekreashon i avioneta deportivo;
  • boto di piska ku ta bin bèk despues di piska i ta provisto di un indikashon tokante e haf kaminda nan ta pertenesé;
  • boto di tou;
  • boto enkargá ku servisio di lots;
  • boto di salbabida;
  • barku i avion di e Wardakosta pa Aruba, Kòrsou i Sint Maarten i tambe pa e entidatnan públiko Boneiru, Sint Eustatius i Saba.

Paga tinu! E dispensashon pa hasimentu di e notifikashon promé ku yegada pa e barkunan i avionnan menshoná promé ku aki no ta konta ora:

  • ta debe impuesto pa e barku, e avion òf e merkansia presente na bordo ora di importashon;
  • riba e barku, e avion òf riba e merkansia presente na bordo tin prohibishonnan òf limitashonnan na vigor;
  • lei ta eksigí sierto formalidat pa haña eksonerashon di impuesto;
  • lei ta eksigí sierto formalidat pa dunamentu di un sierto destinashon di duana pa e barku, e avion òf pa e merkansia presente na bordo;
  • sea e barku òf e avion no ta den uso konforme su destinashon.