Notifikashon di yegada
Despues di yegada di e barku òf avion den haf/na aeropuerto e kapitan òf komandante mester mèldu esaki mesora na Duana Hulanda Karibense.
Unda mi ta hasi e notifikashon di yegada i kiko mi mester mèldu?
E notifikashon di yegada bo ta hasi na e ofisina di duana kaminda bo a hasi e notifikashon promé ku yegada tambe. E ora ei bo ta menshoná e fecha, e ora di yegada i e ubikashon di e barku/avion ku referensia na e notifikashon promé ku yegada. Hopi bia ta hasi e notifikashon ora di entregá e deklarashon di klar en. E término legal pa hasi notifikashon di yegada na hulandes ta aanbrengen.
Di kada barku òf avion mester mèldu e yegada?
Nò, ora un barku òf avion no mester hasi notifikashon promé ku yegada, no mester hasi notifikashon di yegada tampoko.
Paga tinu! Boto di rekreashon i avioneta deportivo ku no ta registrá na e isla di entrada, sí mester hasi notifikashon di nan yegada mesora serka Duana Hulanda Karibense. Wak pa e ubikashonnan bou di e rúbrika notifikashon promé ku yegada. Pa boto di rekreashon e ora ei ta hasi uso di e ‘Customs clearance form for yachts and pleasureboats' (Formulario di klar en di duana pa yate i boto di rekreashon).