Deklarashon pa klar en

Klar en un barku i e merkansia transportá ku esei ta tuma lugá dor di entregá un formulario Deklarashon pa klar en yená por kompleto.

Deklarashon pa klar en yená te na un límite

En bes di un Deklarashon pa klar en yená por kompleto tambe por hasi e klar en pa merkansia transportá riba laman pa medio di entrega di un  Deklarashon pa klar en yená te na un límite, inkluso e listanan di karga korespondiente òf e manifestonan di merkansia inkluso e konosementu di embarke korespondiente. Den e kaso ei den e Deklarashon pa klar en ta referí na e dokumentonan aki.

Pa merkansia transportá den laria e klar en ta sosodé dor di entrega di:

  • un deklarashon aviashon general ku ta kontené e manifesto di e karga, òf
  • dor di entrega di solamente e manifesto di e karga.

Mi mester entregá otro dokumento mas fuera di e Deklarashon pa klar en?

Sí, esaki ta un lista di provishon. Pa provishon, provishon di barku, lubrikante i kombustibel ku ta keda na bordo di barku òf avion durante estadia di e medionan di transporte aki riba un di e islanan BES, ora di klar en por djis entregá un lista di provishon.

Ken mester entregá e deklarashon pa klar en?

E persona ku a trese e barku i e merkansia den e isla konserní ta entregá e deklarashon pa klar en i e dokumentonan korespondiente. Esaki ta e  kapitan di e barku òf e komandante di e avion. Por lo general, durante e proseso di klar en un agente di nabegashon òf di aviashon ta representá nan.

Ki ora i na unda mester entregá e deklarashon pa klar en?

Ta entregá e Deklarashon pa klar en denter di seis ora despues di yegada di e barku/avion.

Entrega ta tuma lugá na e ofisina di duana kaminda tambe a hasi e deklarashon promé ku yegada. Ora e ofisina di duana aki tin ora di sera, ta suspendé e término di entrega. Den e kaso ei, konsultá artíkulo 2.8 insiso 6 di e Uitvoeringregeling DABES (Areglo di ehekushon DABES).

Por entregá e deklarashon pa klar en di forma elektróniko?

Sí, esei ta posibel ora usa e aplikashon di duana Asycuda World. E forma di entrega aki bo por hasi for di bo mes espasio di ofisina. Ku esaki ta prevení ku bo mester bai e ofisina di duana i warda na lokèt. Pa Duana Hulanda Karibense tambe e entrega elektróniko ta esun mas práktiko. P’esei ta rekomendá uso di Asycuda World masha hopi.