Transporte ku ta sigui
Ora ku, despues di a drenta na Boneiru, Saba, òf Sint Eustatius, ta hiba e merkansia direktamente via di kaya na un otro lokalidat unda nan ta bolbe bandoná e isla en kestion, ta hasi uso di e destinashon di duana transporte ku ta sigui.
Ehèmpel:
Un parti di motor ta yega na aeropuerto di Boneiru. E destinashon di e parti ta pa hib’é mesora na un barku ku ta mará na e oil terminal riba e isla. E barku aki ta hiba e parti di motor pafó di Boneiru atrobe. Den e situashon aki, despues di e trámite di klar en, pa e parti di motor ta yena e deklarashon transporte ku ta sigui.
Kua detayenan ta na vigor ora di e destinashon di duana transporte ku ta sigui?
E siguiente detayenan ta na vigor ora di e destinashon di duana aki:
- Duana Hulanda Karibense lo determiná si e transporte mester tuma lugá habrí òf será. ‘Será’ ta nifika ku e transporte mester tuma lugá riba tera bou di un seyo di duana. Ku esaki ta sigurá identidat di e produkto durante e transporte;
- E transporte mester tuma lugá direkto, sin interupshon;
- Mester a duna un bòrg pa impuesto di importashon ku ta debe si e merkansia, kontrali na e deklarashon ku a entregá, tòg ta haña un destinashon di importashon;
Ta papia di un dokumento ku mester ‘zuiver’ (ora di e deklarashon ta entregá un dokumento). Esei ta nifiká ku e dokumento ta keda pará ‘habrí’ na Duana tanten ku e merkansia no a bandoná e isla. P’esei Duana Hulanda Karibense lo tene e karga na bista minusiosamente, tantu di forma físiko komo atministrativo. Asina den e Deklarashon pa despacho mester hasi menshon di e merkansia aki i e dokumento respektivo.
Di ki forma Duana sa ku mi ta hasi un demanda riba e destinashon transporte ku ta sigui?
For di e kódigonan ku bo a yena den e hòkinan 1 i 37 di bo deklarashon di duana ta sali na kla ku bo ta hasi un demanda riba e destinashon di duana aki. E kódigonan aki bo ta haña den e Handleiding Enig document (Manual Dokumento so).