Tránsito, direktamente sin traspasá òf traspasando promé

Den práktika

Den práktika esei ta nifiká ku ta hasi e deklarashon pa merkansia ku ta situá:

• den almanesamentu temporal;
• den un depósito di duana òf
• den un depósito di komèrsio i servisio.

Tránsito direktamente òf traspasando promé

• Bou di ‘direkto’ ta komprondé ku ta karga e merkansia direktamente for di e lugá di almanesamentu (mayoria bia esaki lo ta un espasio pa depósito temporal) den e medio di transporte ku ta sali.
• ‘Ku traspasando promé’ ta nifiká ku ta transferí e merkansia den un medio di transporte na e lugá di depósito, via kaminda públiko pa e medio di transporte ku ta sali. Aya ta transferí e merkansia den e medio di transporte ku ta sali. Eventualmente, depositashon ku ta sali ainda por tuma lugá den un espasio pa depósito temporal (RTO).

Ehèmpel: Un karga di merkansia ta depositá na Boneiru den e depósito di duana di gerente X. E karga ta destiná pa un kliente establesé na Kòrsou, i lo transport’é p’aya ku un avion.

Pa e traspasá e karga for di e depósito di duana di gerente X pa Bonaire International Airport (BIA) ta entregá un deklarashon di duana pa tránsito serka Duana.

Despues ku Duana a trata ku e deklarashon i a duna pèrmit pa uitslag (deskargá) e merkansia for di e depósito di duana, por transportá e karga pa e aeropuerto (BIA).

Na yegada na aeropuerto e transportista ta mèldu serka e Duana aya. Riba e aeropuerto ta transferí e merkansia mesora pa e avion ku t’ei sali. Por pasa tambe ku e avion no ta presente ainda. Den e kaso ei por depositá e merkansia, na espera di binida di e avion, den un espasio pa depósito temporal (RTO). Esaki ta e asina yamá deposito ku ta sali.

Detayenan ora di transporte di merkansia ku aplikashon di e destinashon di duana tránsito

E siguiente detayenan ta apliká:

• Duana Hulanda Karibense ta determiná si e transporte mester tuma lugá habrí òf será. ‘Será’ ta nifiká ku e transporte mester tuma lugá riba tera bou di un seyo di duana. Ku esaki ta sigurá identidat di e produkto durante e transporte. Si ta traspasá e merkansia for di un ‘depósito di duana habrí’ pa un medio di transporte ku ta sali, e ora ei e transportashon pa e medio di transporte ku ta sali aki mayoria bia lo por tuma lugá habrí (esta sin seyo di duana). 
• Mester a duna un bòrg pa impuesto di importashon ku ta debe si e merkansia, kontrali na e deklarashon ku a entregá, ta haña un destinashon di importashon;
• Ta papia di un dokumento ku mester ‘zuiver’ (ora di e deklarashon ta entregá un dokumento). Esei ta nifiká ku e dokumento ta keda pará ‘habrí’ na Duana tanten ku e merkansia no a bandoná e isla. P’esei Duana Hulanda Karibense lo tene e karga na bista minusiosamente, tantu di forma físiko komo atministrativo. Asina den e Deklarashon pa despachá mester hasi menshon di e merkansia aki i e dokumento di duana respektivo.

Abastesimentu di barku i avion

Mester abastesé barku i avion ku ta na punto di sali pa eksterior ku provishon (kuminda i kos di bebe), provishon di barku, kombustibel i lubrikante. Ta konsiderá esaki manera ta papia di tránsito den e kaso ku ta saka e produktonan en kestion for di un depósito di duana òf for di un depósito di komèrsio i servisio.

Demanda destinashon tránsito

For di e kódigonan ku bo a yena den e hòkinan 1 i 37 di bo deklarashon di duana ta sali na kla ku bo ta hasi un demanda riba e destinashon di duana aki. E kódigonan aki bo ta haña den e Handleiding Enig document (Manual Dokumento so).