Perfekshonamentu aktivo

Perfekshonamentu aktivo ta:

• elaborá merkansia, inkluso montage, ensamblage i adaptashon di esei na otro merkansia;
• elaborashon di merkansia;
• drechamentu, inkluso revishon i ahuste di merkansia.

E asina yamá aktonan di perfekshonamentu aki por tuma lugá na merkansia ku a trese Hulanda Karibense. Importante ta ku despues di e  perfekshonamentu ta eksportá e merkansia bèk. E informashon ku a inkluí bou di ‘Importashon temporal’ tambe ta konta ora di perfekshonamentu aktivo, ku e siguiente eksepshonnan:

• e deklarashon di duana semper ta sosodé elektrónikamente;
• aplikashon di un Karnèt ATA no ta posibel ora di perfekshonamentu aktivo.

Pa por perfekshoná merkansia aktivamente semper bo mester ta den poseshon di un pèrmit di e inspektor.

Otorgashon di pèrmit perfekshonamentu aktivo

Un pèrmit perfekshonamentu aktivo ta otorgá solamente na persona ku ta establesé na Boneiru, Saba, òf Sint Eustatius.

Den e pèrmit en todo kaso a inkluí:

• e término denter di kua mester eksportá bèk e merkansia ku a importá temporalmente;
• e método di kalkulashon pa por eksonerá e montante di impuesto riba importashon;
• e forma kon ta identifiká e merkansia importá temporalmente den e merkansia di perfekshonamentu ku mester eksportá bèk;
• di ki forma ta otorgá eksonerashon. Pasobra esaki por ta den forma di pago bèk òf ku bòrg (siguridat) di impuesto ku posiblemente ta debe.

No ta otorgá un pèrmit perfekshonamentu aktivo si un negoshi establesé na Boneiru, Saba, òf Sint Eustatius ta kapas pa produsí e materia prima òf produkto semi akabá nesesario pa e perfekshonamentu kontra kondishonnan komparabel manera preis, kalidat i tempu di suministro.