Depósito di duana òf depósito di komèrsio i servisio (HDE)

Kua deklarashon di duana mi mester entregá pa duna merkansia e destinashon di duana depósito di duana òf depósito di komèrsio i servisio?

Ora ku, despues di importashon, merkansia ta destiná pa transporte pa un depósito di duana òf un depósito di komèrsio i servisio, bo ta entregá un deklarashon serka Duana pa transporte pa sea un depósito di duana òf un depósito di komèrsio i servisio.

E deklarashon aki tambe ta entregá ora ta papia di tráfiko di merkansia di un depósito di duana pa otro, di un depósito di komèrsio i servisio pa otro i di depósito di duana pa depósito di komèrsio i servisio.
Paga tinu: e fasilidatnan di depósito aki mester ta situá riba e mesun isla.

Ehèmpel: un karga di 150 kaha di paña ta depositá den e depósito di duana di gerente X na Sint Eustatius. Destinashon di e karga ta transporte pa empresario Y ku ta establesé den e depósito di komèrsio i servisio (HDE) Z na Sint Eustatius. Den e kaso ei ta entregá un deklarashon serka Duana pa transporte di e karga aki pa HDE Z. E destinatario den e deklarashon ta Y. Despues ku Duana a prosesá e deklarashon i a duna pèrmit pa despacho for di e depósito di duana di gerente X, e traspaso di e karga di paña por tuma lugá. Ademas, pa e depositashon di e pañanan na HDE Z tambe mester di pèrmit di Duana.

Kua detayenan ta na vigor ora di transporte di merkansia ora a dun’é e destinashon di duana depósito di duana òf depósito di komèrsio i servisio (HDE)?

E siguiente detayenan ta apliká:

• Duana Hulanda Karibense lo determiná si e transporte pa e depósito di duana òf HDE mester tuma lugá habrí òf será. ‘Será’ ta nifiká ku e transporte mester tuma lugá riba tera bou di un seyo di duana. Ku esaki ta sigurá identidat di e merkansia durante e transporte. Komo regla lo konta ku si ta papia di un depósito habrí, e transporte pa e depósito ei lo por tuma lugá habrí.

• E transporte mester tuma lugá direktamente, sin interupshon;

• Mester a duna un bòrg pa impuesto di importashon ku ta debe si e merkansia, kontrali na e deklarashon ku a entregá, tòg ta haña un destinashon di importashon;
• Ta papia di un dokumento ku mester ‘zuiver’ (ora di e deklarashon ta entregá un dokumento). Esaki ta nifiká ku Duana Hulanda Karibense ta tene e karga na bista minusiosamente, tantu di forma físiko komo atministrativo pa e karga en berdat sigui e destinashon di duana ku a duna. 

Di ki forma Duana sa ku mi ta hasi un demanda riba e destinashon depósito di duana i depósito di komèrsio i servisio?

For di e kódigonan ku bo a yena den e hòkinan 1 i 37 di bo deklarashon di duana ta sali na kla ku bo ta hasi un demanda riba e destinashon di duana aki. E kódigonan aki bo ta haña den e Handleiding Enig document (Manual Dokumento so).